Café Life Patisserie & Cafe (太興中心) (已結業)

煲左两日剧，今日想出黎呼吸新鲜空气，于是专程搭车黎呢间打卡cafe。铺外有一小个三角空间，可以直接系出面嗌餐/外卖，𠮶张枱相信系宠物friendly。一进内就见到好似打杖咁，店员即刻同我讲今日唔够员工，所以慢少少唔好意思，善良既我见佢咁好礼貌，即使我等左十分钟都冇人抹枱，企左系counter五分钟都冇人同我落单（仲要落错单出错餐），都完全唔怪。但最重要系，我今日正餐都冇食净系谂住黎打卡，喂喂喂，无面男Latte冇，原粒肥桃冇，樱花系列冇，都算，咩味都好，求其比件拿破仑蛋糕黎影下相呀喂？冇错，系是但一件拿破仑都冇。可怜既我唯有食个Quiche同点杯Caramel Latte填肚就算。个蘑菇Tart菇量好足，用南瓜汤系杰到细食少少既女仔应该饮完就会饱，沙律菜份量好多好多，但只醋真系太酸，建议换只黑醋会成件事唔同晒。咖啡味道正常，拉左个大心比我，都填补唔到我食唔到甜品既空虚🥲。