聰嫂私房甜品

营业中

休息中

聪嫂私房甜品发迹地系将军澳，仲记得当年每次去中学同学屋企时，临走一定要去食聪嫂龙眼椰果冰。今次去旺角见到佢开左新店，就算排队都要重拾回忆。龙眼椰果冰就必叫，另外再叫多一碗杨枝甘露。龙眼椰果冰味道十年如一，每一啖冰都有好浓郁的龙眼清新的味道。唔好以为佢好似一碗仔咁，食食下其实份量都唔少。另外仲加左爆珠同埋椰果，所以有唔同的口感同甜味，提升整碗甜品的视觉效果同层次，最后食埋两粒龙眼相当满足。至于杨枝甘露，无论系西柚、西米同芒果份量都足，每一啖都有以上每款材料。西柚粒拣得好，唔会干或者有苦涩味，而芒果粒够甜又新鲜。整体味道唔太甜，维持到平衡的味道，质素几好。