影片
更多
2023-08-10
1244 浏览
好耐无约老死夏总食饭，又喺衬无饭开嘅日子，约佢过嚟中环一间居酒屋「椈」聚一聚，居酒屋肯定啱晒佢，因为佢同佢老婆都好钟意去日本旅行，差唔多一年一次咁滞，所以日本嘢肯定好合佢口味。一入门口就见到专做串烧嘅吧枱，非常吸睛，传来阵阵串烧香气，如果人少少，两个人就最啱坐喺呢个位置，一边食一边倾，又可以同师傅交流下、吹下水。此外仲有啲二人、四人枱，装修非常型格，又极富现代感，却不失和风嘅元素。叹下串烧、队下啤，喺非常之爽嘅地方，好有传统日式小店嘅感觉。既然喺居酒屋，食物嘅种类一定喺非常多，前菜、小食、串烧、炸物，墙上嘅黑板仲写有啲主食或推介之类。饮品方面，既然以居酒屋定位，梗喺有好多清酒啦，此外，仲有生啤、果汁、汽水……等等。Suntory顶级啤酒 $98、可口可乐 $15虽然小弟唔好酒，但饮少少绝无问题，难得同夏总一聚，啤一啤佢。杯Suntory嘅泡沫绵密，好易入口，加上冰冻透心凉，衬晒啲炸物、串烧，夏总就一向只喜欢饮可乐。烟三文鱼沙律 $78先嚟一客开胃嘅沙律作开场，晌盛夏清爽吓都喺好爽嘅选择。爽脆嘅沙律菜以外，仲有车厘茄、粟米粒、蟹籽配以蛋黄酱，本身沙律都好好食；加埋啲咸香油润嘅烟三文鱼，为
一入门口就见到专做串烧嘅吧枱，非常吸睛，传来阵阵串烧香气，如果人少少，两个人就最啱坐喺呢个位置，一边食一边倾，又可以同师傅交流下、吹下水。
此外仲有啲二人、四人枱，装修非常型格，又极富现代感，却不失和风嘅元素。叹下串烧、队下啤，喺非常之爽嘅地方，好有传统日式小店嘅感觉。
既然喺居酒屋，食物嘅种类一定喺非常多，前菜、小食、串烧、炸物，墙上嘅黑板仲写有啲主食或推介之类。饮品方面，既然以居酒屋定位，梗喺有好多清酒啦，此外，仲有生啤、果汁、汽水……等等。
Suntory顶级啤酒 $98、可口可乐 $15虽然小弟唔好酒，但饮少少绝无问题，难得同夏总一聚，啤一啤佢。杯Suntory嘅泡沫绵密，好易入口，加上冰冻透心凉，衬晒啲炸物、串烧，夏总就一向只喜欢饮可乐。
烟三文鱼沙律 $78先嚟一客开胃嘅沙律作开场，晌盛夏清爽吓都喺好爽嘅选择。爽脆嘅沙律菜以外，仲有车厘茄、粟米粒、蟹籽配以蛋黄酱，本身沙律都好好食；加埋啲咸香油润嘅烟三文鱼，为呢餐饭打开好好嘅序幕。
炸物拼盘 $88 跟住登场嘅系炸物。分别有炸鸡软骨、炸豆腐、黄金一口芝士，不得不赞啲炸嘢炸得金黄均匀，又好香口，入口一啲都唔油腻，师父嘅炸功有一手。鸡软骨咬落咯咯声，好过瘾；啲豆腐真真正正嘅外脆内嫩，洒上少少七味粉正呀喂；一口芝士咬落去软绵咸香，一口芝士一啖啤酒衬到绝。
阿波鸡肾 $38、大葱鸡颈肉 $38、日本鸡颈肉 $32、猪颈肉串 $38、鸡软骨串 $38/两件试完一轮炸嘢，再落嚟就喺试试串烧，一口气嚟咗5款。咪睇样以为普普通通，除咗烧得靓仔之外，仲喺用料不赖。曾喺串烧店食过阿波尾鸡，知道喺无激素嘅一款日本鸡种，当然食得安心啲啦。啲鸡肾好爽口，鸡颈肉就特别嫩滑，配大葱又另一番滋味，猪颈肉就口感带爽脆，仲有啲鸡软骨，样样都好食。
明太子鸡翼 @$38鸡翼嘅外皮烧到金黄仲带点焦香，里面填满明太子，绝无欺场，一口咬落去，外皮非常之香脆，肉嫩多汁，明太子带出嚟咸咸辣辣之味，非常之好味。
盐烧油甘鱼鲛 $88、烧蕃薯仔 $28烧三文鱼鲛就食得多，油甘鱼鲛印像中好似第一次，唔好睇少啲鱼鲛，其实都好多肉，烧到金香，再洒点柠檬汁，食起来更清爽，至于啲鱼肉非常之嫩滑，亦富油香，另外串蕃薯仔又粉又甜，口感非常之绵密，同样好味。
最中饼雪糕 @$38最后，嚟一道甜品作结，咁就完美喇，嗌咗一杯香芋口味、一杯抹茶口味，唔单止有雪糕，食落原来仲有清甜嘅红豆同软糯嘅抹茶蕨饼，真喺有啲惊喜；加上脆口嘅最中饼，以及香滑抹茶雪糕，真喺满足晒。
咪以为净喺食吓炸物、串烧，好似湿湿碎碎咁，食得我哋两个都好饱，我哋两个死佬边饮、边食、边吹水，讲咗好多昔日往事，人生就系咁，好快三年又三年。
张贴
