影片
更多
2023-10-20
1893 浏览
平常都比较少嚟「大馆」呢度食嘢，但最近约咗位旧旧旧同学食晏，呢位旧同学都算好老友，当然要好好招呼食餐好啦，又想揾个地方好坐啲，方便倾偈，所以，拣咗嚟「大馆」嘅意大利餐厅「Cantina」。 唔使多介绍，都知「大馆」喺以前中环警署活化后嘅历史建筑，里面本身就充满英式维多利亚设计，所以，走进入餐厅，犹如置身欧洲嘅宫廷式餐厅之内，装修高雅有格调，天花嘅大吊灯够晒气派而不俗气，如果晚上嚟嘅相信更具情调，气氛更浪漫。 午市套餐就分为两道菜（$278 ）、三道菜（$348）、四道菜（$428）嘅选择，客人可以晌前菜、意粉、主食、甜品中自由组合，弹性颇大。 面包篮严格嚟讲，呢个唔可以叫面包篮，而喺面包「袋」，哈哈！虽然无我最钟意食嘅意大利香草包，不过，两款面包：酸种包同面包条，都好啱食，沾上醇厚嘅意大利橄榄油同黑醋，食味份外地道。 卡布野生蘑菇汤何谓「卡布」，其实你睇睇英文菜名就知，就喺用咗意大利泡沫咖啡嘅意思，打咗轻柔嘅泡泡喺蘑菇汤上面。旧同学就话个汤嘅菌香嚟得非常之浓郁，饮得出真材实料无欺场，而且，口感柔滑，绝对喺用心制作嘅出品。 Cantina鸡肉凯撒沙律小弟就健康啲，拣返个沙律食吓，开开胃。
唔使多介绍，都知「大馆」喺以前中环警署活化后嘅历史建筑，里面本身就充满英式维多利亚设计，所以，走进入餐厅，犹如置身欧洲嘅宫廷式餐厅之内，装修高雅有格调，天花嘅大吊灯够晒气派而不俗气，如果晚上嚟嘅相信更具情调，气氛更浪漫。
午市套餐就分为两道菜（$278 ）、三道菜（$348）、四道菜（$428）嘅选择，客人可以晌前菜、意粉、主食、甜品中自由组合，弹性颇大。
面包篮严格嚟讲，呢个唔可以叫面包篮，而喺面包「袋」，哈哈！虽然无我最钟意食嘅意大利香草包，不过，两款面包：酸种包同面包条，都好啱食，沾上醇厚嘅意大利橄榄油同黑醋，食味份外地道。
卡布野生蘑菇汤何谓「卡布」，其实你睇睇英文菜名就知，就喺用咗意大利泡沫咖啡嘅意思，打咗轻柔嘅泡泡喺蘑菇汤上面。旧同学就话个汤嘅菌香嚟得非常之浓郁，饮得出真材实料无欺场，而且，口感柔滑，绝对喺用心制作嘅出品。
卡布野生蘑菇汤
12 浏览
0 赞好
0 留言
Cantina鸡肉凯撒沙律小弟就健康啲，拣返个沙律食吓，开开胃。凯撒沙律一向喺意大利菜中嘅经典之一，看似简单其实都好多功夫。入口罗马生菜好爽脆，加咗啲樱桃萝卜，睇起嚟就更靓仔。最正就梗喺加咗好多鸡肉同埋刨咗好多大大片嘅巴马臣芝士啦，令到味道更丰厚好食。
烧猪肉贝壳粉配意式牛肉茴香香肠肉酱肉酱意粉又喺意大利菜嘅另一经典，所以，就拣咗呢一道贝壳粉，其实捞埋一齐之后，都分唔到边啲系烧猪肉，边啲喺牛肉，边啲喺香肠肉酱，总之混埋一齐食，味道好浓香，又有唔同嘅口感，啖啖回味，而手工做嘅贝壳粉 煮得口感啱啱好 ，口感烟韧，咬落有韧劲，挂满肉酱，味道一流。
烧猪肉贝壳粉配意式牛肉茴香香肠肉酱
16 浏览
0 赞好
0 留言
香煎鲈鱼柳配菠菜及藏红花酱另一道煎鲈鱼柳又喺睇起上嚟好简单，不过食得出大厨嘅手势，因为鱼柳煎到恰到好处，外皮非常之香脆，肉质嫩滑到不得了，老套啲讲句，坚喺鱼有鱼味，鱼味浓郁，而垫晌下面嘅菠菜，色泽翠绿，去走晒啲茎位，非常之柔嫩。
香煎鲈鱼柳配菠菜及藏红花酱
5 浏览
0 赞好
0 留言
意大利芝士蛋糕我哋两个都钟意食甜品，当然第三道菜嘅梗喺拣甜点啦，餐牌中啱啱好提供两款甜点，正正可以试晒。虽然提拉米素可以拣开心果、榛子
，但我哋都喺想试番经典嘅原味。底层嘅蛋糕吸满咖啡酒，湿润芳香，中间嘅马卡风芝士非常之柔滑，面头洒满唂咕粉，有浓浓朱古力香，果然喺经典。
意大利芝士蛋糕
26 浏览
0 赞好
0 留言
特伦蒂诺苏卷另一款甜品真喺唔认识，所以，就更加有期待。捧到出嚟佢卖相好特别，面头放满好似「飞佬皮」嘅薄脆，拨开之后就见到苹果、梨肉、葡萄干，仲有松子仁砌成嘅果塔，面头唧咗少少忌廉做点缀，令卖相更好睇。入口啲果肉暖暖哋，好清甜，又有阵阵肉桂香，好食。
特伦蒂诺苏卷
5 浏览
0 赞好
0 留言
Cantina店名原来晌意大利文意思喺「食堂」，而据店员介绍，餐厅嘅位置正正就喺以前中环警署嘅食堂，相信喺指俾啲高级警官用餐𠮶啲。讲到服务，不得不大赞，真喺好熨贴，好有礼，好多细节位都做到一丝不苟。
张贴
