葵涌百得阿姨

营业中

休息中

就到粮尾，想颓颓地食个lunch省钱，唔洗讲一定系去葵广。行下行下，见到一楼转角有间车仔面，又唔太多人唔洗等位，就一于走过去试试佢。座低睇睇点送纸，所有车仔面基本野都全部都有齐，价钱都算合理。由于粮尾关系，我只系选左两个送，亦无加到底。五香肉丁加午餐肉可以话系阿叔每次既指定。望到个面一上，可以话系返到中学时代咁。夹起注面食左一啖，完全揾返以前中学小食部个种风味。个面半熟，入口有d淋又有d硬，餐肉刀工好，够簿身，肉丁罐头份量就刚刚好，够掉味。