影片
更多
2022-04-28
93 浏览
整整两年冇出走，当然非常挂住搭飞机时遨游天际嘅感觉。虽然疫情稍为放缓，但距离出国嘅日子似乎仲系遥遥无期。如果你同我都有一样嘅感受，或者嚟Cabin crew coffee可以暂时满足你嘅心愿😳Cabin crew coffee属Hollybrown团队打造，以飞行作为概念嘅主题餐厅。场内设有时区钟、航厦指示牌等打卡位，而最特别莫过于以机舱为灵感设计嘅座位，可以睇到云海、富士山景，即刻揾返旅行时嘅感觉🙆🏻♀️！• Lamb Shoulder Lasagna $178千层面之间夹杂住一丝丝羊肩肉同Creamy嘅酱汁，羊味比想像中更出众，面皮即使放耐咗亦都唔易烂，份量睇落比较小巧，食起嚟其实都几饱肚下😗• BBQ Combo $348一个拼盘里面有齐猪肋骨、半只烧鸡同迷你手撕猪肉包，仲唔系食肉兽嘅最爱🤩？！烧鸡同猪肋骨均用上Barbecue sauce调味，甜甜哋再加上烟熏嘅香味，味道几讨好，唯烧鸡嘅胸位有少少干嚡，鸡髀位就冇咁嘅问题。配菜仲有炸薯角，成个set都几丰富，乜都想试少少，可以嗌依个😌• Chocolate Banana Hotcake 足足六层Hotcake上面淋满朱古力酱，配
Cabin crew coffee属Hollybrown团队打造，以飞行作为概念嘅主题餐厅。场内设有时区钟、航厦指示牌等打卡位，而最特别莫过于以机舱为灵感设计嘅座位，可以睇到云海、富士山景，即刻揾返旅行时嘅感觉🙆🏻♀️！
• Lamb Shoulder Lasagna $178
千层面之间夹杂住一丝丝羊肩肉同Creamy嘅酱汁，羊味比想像中更出众，面皮即使放耐咗亦都唔易烂，份量睇落比较小巧，食起嚟其实都几饱肚下😗
• BBQ Combo $348
一个拼盘里面有齐猪肋骨、半只烧鸡同迷你手撕猪肉包，仲唔系食肉兽嘅最爱🤩？！烧鸡同猪肋骨均用上Barbecue sauce调味，甜甜哋再加上烟熏嘅香味，味道几讨好，唯烧鸡嘅胸位有少少干嚡，鸡髀位就冇咁嘅问题。配菜仲有炸薯角，成个set都几丰富，乜都想试少少，可以嗌依个😌
• Chocolate Banana Hotcake
足足六层Hotcake上面淋满朱古力酱，配搭香蕉同云尼拿雪糕，系尝甜人士一定会喜爱嘅经典口味😝
• Cold Brew
我同朋友最欣赏依度嘅咖啡。用上埃塞俄比亚嘅咖啡豆，味道清爽有少少茶感，尾段带果香，唔会有酸味同涩味，好易入口😚
• Purple Potato Latte
粉紫色嘅紫薯latte造型超梦幻！奶味香浓又暖胃，系咖啡以外唔错嘅选择🍠
张贴
