影片
更多
2021-10-18
3930 浏览
阔别日本刚好两年，回来后呢两年间有好多始料不及的变化，唯一不变系对日本的挂念。挂念的程度，已非靠食个拉面或者寿司就可以弥补。早前睇片，见一位日本人推介尖沙咀的「吉田舍料理」，主打正统日式家庭料理同小菜，系好多在港日本人的秘店（经佢推介之后已经唔秘了）。喺呢度，不但听到客人的日语对话，店主同部分厨师侍应都系日本人，感觉更似身处日本。系咪好耐冇见日文menu？当然如果见你系香港人，佢会畀返中文menu，但识日文的话不妨问侍应拎份日文，重温下日文之余，日文有是日精选餐牌，中文冇的。餐牌有好多选择，研究都用左好多时间，还好本身已有几个心水选项，再唔系，第一次嚟可以叫店员推荐，大部分都好有礼的。忌廉蟹肉薯饼（$120）系好代表日本的小食，热腾腾的上枱，炸衣好薄好脆，里面系超滑忌廉，蟹肉就不太感觉到，不过都好满足。第二样想食系和牛肠炒野菜（$120），系日本人话好食的一道，辣度可以选择。唔钟意肥膏的或者会嫌恶，但喜欢的会欣赏佢的油脂香，比猪肠更香，虽然邪恶，但偶一为之好值得试试，不过外皮比较韧。椰菜更系精华所在，沾满惹味酱汁，系一流的佐酒佳肴。见隔离枱点了葱拖罗卷（$80），又试着来一碟。呢个相对
早前睇片，见一位日本人推介尖沙咀的「吉田舍料理」，主打正统日式家庭料理同小菜，系好多在港日本人的秘店（经佢推介之后已经唔秘了）。喺呢度，不但听到客人的日语对话，店主同部分厨师侍应都系日本人，感觉更似身处日本。
系咪好耐冇见日文menu？当然如果见你系香港人，佢会畀返中文menu，但识日文的话不妨问侍应拎份日文，重温下日文之余，日文有是日精选餐牌，中文冇的。
餐牌有好多选择，研究都用左好多时间，还好本身已有几个心水选项，再唔系，第一次嚟可以叫店员推荐，大部分都好有礼的。
忌廉蟹肉薯饼（$120）系好代表日本的小食，热腾腾的上枱，炸衣好薄好脆，里面系超滑忌廉，蟹肉就不太感觉到，不过都好满足。
第二样想食系和牛肠炒野菜（$120），系日本人话好食的一道，辣度可以选择。唔钟意肥膏的或者会嫌恶，但喜欢的会欣赏佢的油脂香，比猪肠更香，虽然邪恶，但偶一为之好值得试试，不过外皮比较韧。椰菜更系精华所在，沾满惹味酱汁，系一流的佐酒佳肴。
见隔离枱点了葱拖罗卷（$80），又试着来一碟。呢个相对有点失色，拖罗鲜甜软滑，但葱好少，而且饭同紫菜都好腍，口感一般。
最重点系，做功课时见午餐餐牌有拿破仑意粉，非常想食。日式的拿破仑意粉系好好食的，我曾经喺登别车站附近一间不知名小cafe食过，一直念念不忘。即管问侍应系咪午市先有，佢话都可以整，不过因为系日本师傅做，所以要等耐啲。问完价钱后（$100）就即刻落单。意粉用铁板上，以煎蛋皮垫底。调味做得唔错，酸甜得宜，火腿、椒丝等配料都落得多，蛋皮好香，只系意粉比较腍，整体同日本的仍然有少少距离，不过总算解一解思念。
想去的话切记预约，walk-in一定冇位。另外lunch有比较相宜的定食，每份一百上下。
张贴
