鼎泰豐

营业中

休息中

黎开呢头，都会食鼎泰丰，唔使点等位，又坐得舒服d既中菜。每次都一定会叫小笼包，同其他餐厅一样，其他口味既小笼包都系一试无妨，不过唔算好特别，所以之后每次encore都系原味小笼包，皮薄可以锁住肉汁，点上醋再一啖入口，美味依然。之前试完咸味小笼包，今次试埋荔芋小笼包，好有惊喜，好好味😋一向都唔系特别钟意芋头产品，但呢款芋泥香棉幼滑，甜味适中，一人食三粒都唔会腻，仲觉得唔够喉，下次要一人一笼。台式红烧牛肉汤面都几足料，有腩有筋，炆得好冧，但依然保留到牛肉味面身软硬适中有咬口，汤底浓郁，系会唔小心饮晒汤底。虾肉馄饨汤面味道不过不失，食到虾肉，汤底清清地易入口。