來多碗車仔麵 (康寧道) (已搬遷) 新店位置

帮公司送完野，行黎呢边食野就搭车返屋企，不过重建好似好多地方唔同左，我都费事再乱行，见呢间车仔面几多人，又唔太贵。呢度唔洗剔纸，系响食物档位排队拣，姐姐即场执，放汤，再收钱，个感觉好似返返去中学年代。4𩠌都系36蚊，2𩠌24蚊，真系好抵。4𩠌要鸡翼，猪红，辣鱼蛋，豆卜配米粉。汤头颜色较深，饮一啖味道浓郁，但唔咸带少少辣，买既时候听到有人要中辣或大辣，应该几刺激。鸡翼卤水过，软腍入味，肉质够嫩。猪红滑溜，质感唔会太散，带少少甜味。辣鱼蛋都算辣，大大粒够爽弹。豆卜系原粒，所以索左汤都唔会浸腍晒，唔油好味。米粉软硬度刚好，好爽口。