北京水餃店

营业中

休息中

闷闷地一个人最啱周围去下寻找一啲小店试下，巴士总站一落车就见到依间北京水饺店，位置相当方便，舖面唔算大，出面有人煎牛肉饼同其他煎炸野，铺内开放式厨房，装修虽陈旧但更显人情味。食物选择多元化，有饭有面有主打嘅水饺，仼君选择。我当然试下佢主打嘅水饺，见佢啲餐牌都有好多野夹猪扒，咁我就叫猪扒水饺面$46，面系上海扒面，水饺系自己包嘅韮菜饺，其实有白菜饺同素饺，但唔知可唔可以转呢🤔 韮菜饺有肉汁，馅料十足，再加埋不可少得嘅豆瓣酱，真系不错，面质软硬适中加啲辣椒油更加惹味，仲有好多雪菜系面，可以一试。至于猪扒涂上面包糠炸，非常香口，略嫌炸得太㶶啦，较干，虽然猪扒非常入味。最后仲买多个粢饭$16返屋企食添