影片
更多
2014-10-11
1237 浏览
有朋友去完土耳其，话唔钟意既系土耳其嘢食；我就相反，去完土耳其旅行之后钟意咗土耳其菜。一百个人里面真系有一百种口味。返嚟香港之后，间中都揾下啲土耳其餐厅试下，怀缅下旅土既味道。今次试既系一间行过见到既土耳其餐厅。𠮶时系傍晚六点半，里面冇乜人，但一路食𠮶阵都keep住有客入嚟。里面既装饰唔错既，有啲土耳其特色嘢，其中有我觉得最靓既蓝眼仔，墙上挂住𠮶块亦都系我见过之中数一数二大块。成个环境几舒服。呢间系一间小店，侍应唔多。佢地态度唔错㖞，几好笑容。我问其中一个要杯热水𠮶阵，佢仲问我系咪伤风(我当时用紧纸巾印个鼻)。我叫咗lamb doner配饭。我宁舍钟意食土耳其饭。土耳其菜既饭几特别，好似用油捞过，几香。啲转转烧羊肉干咗少少，但味道几好，不过有丁点儿辣(我系少少辣都食到𠮶啲嚟)，都几香口既。配菜有啲番茄、青瓜同生菜，令道菜清新一啲。临走𠮶阵个记仲笑住同我拜拜，仲帮我拉开𠮶度有啲难开既趟门添
里面既装饰唔错既，有啲土耳其特色嘢，其中有我觉得最靓既蓝眼仔，墙上挂住𠮶块亦都系我见过之中数一数二大块。成个环境几舒服。
呢间系一间小店，侍应唔多。佢地态度唔错㖞，几好笑容。我问其中一个要杯热水𠮶阵，佢仲问我系咪伤风(我当时用紧纸巾印个鼻)。我叫咗lamb doner配饭。我宁舍钟意食土耳其饭。土耳其菜既饭几特别，好似用油捞过，几香。啲转转烧羊肉干咗少少，但味道几好，不过有丁点儿辣(我系少少辣都食到𠮶啲嚟)，都几香口既。配菜有啲番茄、青瓜同生菜，令道菜清新一啲。
临走𠮶阵个记仲笑住同我拜拜，仲帮我拉开𠮶度有啲难开既趟门添
题外话/补充资料：
土耳其菜多数会伴以几种酱，有啲酸酸地，有啲会咸啲。可随个人喜好点缀食物。
(以上食记乃用户个人意见 , 并不代表OpenRice之观点。)
张贴
