影片
更多
2023-10-13
91 浏览
好耐好耐好耐冇写过食评🤣实在太忙今日又Resume返我嘅寻找红虾意粉之旅。今日嚟Alux, 其实已经系第二次，想试真啲食物味道先再写食评。唔讲咁多，即刻睇吓我今次食咗啲咩，以下系两人份：面包🥖都系Standard嘢，唔算特别出色。面包都有烘热先上枱。唯一要赞嘅系个牛油非常特别，系带有甜味嘅牛油，有阵阵香味，不过要问佢攞先至会有。前菜：炸鱿鱼圈呢个鱿鱼圈真系比到惊喜我，上菜嘅时候刚刚炸起，炸粉唔会太厚，而且够晒酥脆。鱿鱼圈好爽口，调味适中，带有啲咸蛋黄同香草味，非常惹味。呢个真系要趁热食，西餐嚟讲炸嘢，做得好出色。前菜：鸡胸沙律沙律系其中一个唔使加钱嘅前菜，鸡胸份量啱啱好，沙律有生菜、青红黄椒、青瓜。食落去口感少少冻冻地，非常refreshing。呢个沙律我系第二次食。so far啲鸡胸都唔会鞋。以唔使额外加钱嘅质素嚟讲都算几抵食。主菜：红虾意粉分别喺唔同日子试咗呢间餐厅嘅红虾意粉，出奇地第二次食比第一次食好味好多🤣问过先知，原来厨师会转，炒法可能都唔同。第一次食略嫌虾味唔够，意粉偏干。第二次食换咗唔同厨师整，多咗好多汁，虾味浓郁😍好食好多。睇图你就明😂上面系第一次食，下面系第二次食。净
今日又Resume返我嘅寻找红虾意粉之旅。
今日嚟Alux, 其实已经系第二次，想试真啲食物味道先再写食评。唔讲咁多，即刻睇吓我今次食咗啲咩，以下系两人份：
面包🥖
都系Standard嘢，唔算特别出色。面包都有烘热先上枱。唯一要赞嘅系个牛油非常特别，系带有甜味嘅牛油，有阵阵香味，不过要问佢攞先至会有。
面包
4 浏览
0 赞好
0 留言
前菜：炸鱿鱼圈
呢个鱿鱼圈真系比到惊喜我，上菜嘅时候刚刚炸起，炸粉唔会太厚，而且够晒酥脆。鱿鱼圈好爽口，调味适中，带有啲咸蛋黄同香草味，非常惹味。呢个真系要趁热食，西餐嚟讲炸嘢，做得好出色。
炸鱿鱼
3 浏览
0 赞好
0 留言
前菜：鸡胸沙律
沙律系其中一个唔使加钱嘅前菜，鸡胸份量啱啱好，沙律有生菜、青红黄椒、青瓜。食落去口感少少冻冻地，非常refreshing。呢个沙律我系第二次食。so far啲鸡胸都唔会鞋。以唔使额外加钱嘅质素嚟讲都算几抵食。
鸡胸沙津
2 浏览
0 赞好
0 留言
主菜：红虾意粉
分别喺唔同日子试咗呢间餐厅嘅红虾意粉，出奇地第二次食比第一次食好味好多🤣问过先知，原来厨师会转，炒法可能都唔同。第一次食略嫌虾味唔够，意粉偏干。第二次食换咗唔同厨师整，多咗好多汁，虾味浓郁😍好食好多。
睇图你就明😂上面系第一次食，下面系第二次食。净系睇个汁嘅分别已经好明显有差别😅
不过两次嘅共通点都系，面质食得出系自家手工面，爽口弹牙，但份量非常少，大概两啖左右😂虾都只系得一只。所以唔好谂住靠呢个主菜可以食饱😂
主菜：酥皮鳕鱼
呢个主菜有几个朋友食过都话非常好食。传说中餐厅曾经系餐牌上取消呢度菜，结果俾食客要求佢哋重新上架。所以今次老虎蟹我都要试一次好唔好食。不过现实就系好多时有啲嘢被吹捧得太犀利，搞到我期望值好高，然后我就有啲失望😅
酥皮基本上都系正常好香软，鳕鱼我就觉得未够肥美。下面配嘅汤汁有啲似南瓜汤底，加咗啲杂菜。其实成个配搭都算唔错，不过就冇想像中咁好食，但系试一次半次系可以的。
Once again，今日有可能系第二个厨师整，同上一次食个感觉又好唔同。大家可以自己睇图领悟一下，净系睇过汁嘅差别，已经睇得出系有分别🤣
甜品：tiramisu
甜品系比较惊喜的。上次嚟食餐厅咁啱𠮶日冇呢款甜品，今次觉得点都要试。tiramisu食得出系自家制嘅。比较特色嘅地方就系Tiramisu下面竟然系有栗子碎，呢个真系第一次见，独一无二。而且唔会太甜，咖啡味唔会太浓，份量刚刚好。所以整体嚟讲真系一个彩蛋。
Tiramisu
158 浏览
0 赞好
0 留言
总括而言，Alux都算系一间好餐厅，其他朋友嚟食过都系有赞冇弹。不过比较意外嘅系佢嘅食物质素唔系几稳定，真系好睇你𠮶日撞正边个厨师😅而且份量都系偏少，所以性价比嚟讲，唔算特别高。
值得赞扬嘅系，有个高高瘦瘦嘅经理哥哥特别好人😂非常体贴，对熟客好识做，够晒人情味，呢个真系抵赞，绝对系加分位。
(Price: Weekday lunch 2 pax. After discount ~HKD 1400)
大家嚟试食记住用OpenRice book位~有八折
系八折啊come on🤣
张贴
