影片
更多
2021-06-08
129 浏览
呢日约咗朋友系大角咀食晚餐，拣咗呢间充满特色嘅餐厅试吓，由奥运行过嚟呢间餐厅都几近，一入门口就见到装修充满香港嘅怀旧风情，餐厅入面嘅壁画描绘咗昔日嘅香港，例如霓虹灯招牌，啱晒钟意打卡嘅朋友~📸座位同座位之间都好阔落，由于餐厅系落地玻璃，感觉好开扬，可以望到出面嘅街景。坐低之后，我哋研究咗一轮Menu，菜式嘅选择好丰富，适合唔同嘅人嘅口味，任君选择，由于太多选择，我哋都纠结咗一阵先拣好，本身想试一试咖喱农夫包，可惜太受欢迎已经卖晒，于是我哋就叫咗一个2人晚餐 ，套餐系168蚊，包括有三个𩠌，两碗饭，饮品方面可以拣汤或者加钱转特饮，我哋嗌咗两杯冻奶茶，但老板好好人，送咗两碗汤俾我哋试吓，另外加$30仲可以有甜品，可以拣意大利芝士蛋糕或者雪糕窝夫，不过我哋两个人觉得份量都够，所以就冇加，不过有兴趣嘅朋友可以试吓😉第一样𩠌可以拣红烧乳鸽、鲍鱼捞面或者椒盐大虾，我哋就拣咗椒盐大虾🍤 至于另外两个𩠌就拣咗金银蛋浸时蔬同避风塘牛柳。首先第一样上嘅系例汤，当日嘅例汤系西洋菜汤，汤煲得好够火喉，饮落去完全冇味精😆而且好足料，就好似阿妈煲嘅汤一样，完全感觉到家的味道，对比起出面嘅餐厅，好难得可以饮到一碗真
座位同座位之间都好阔落，由于餐厅系落地玻璃，感觉好开扬，可以望到出面嘅街景。
坐低之后，我哋研究咗一轮Menu，菜式嘅选择好丰富，适合唔同嘅人嘅口味，任君选择，由于太多选择，我哋都纠结咗一阵先拣好，本身想试一试咖喱农夫包，可惜太受欢迎已经卖晒，于是我哋就叫咗一个2人晚餐 ，套餐系168蚊，包括有三个𩠌，两碗饭，饮品方面可以拣汤或者加钱转特饮，我哋嗌咗两杯冻奶茶，但老板好好人，送咗两碗汤俾我哋试吓，另外加$30仲可以有甜品，可以拣意大利芝士蛋糕或者雪糕窝夫，不过我哋两个人觉得份量都够，所以就冇加，不过有兴趣嘅朋友可以试吓😉
第一样𩠌可以拣红烧乳鸽、鲍鱼捞面或者椒盐大虾，我哋就拣咗椒盐大虾🍤 至于另外两个𩠌就拣咗金银蛋浸时蔬同避风塘牛柳。
首先第一样上嘅系例汤，当日嘅例汤系西洋菜汤，汤煲得好够火喉，饮落去完全冇味精😆而且好足料，就好似阿妈煲嘅汤一样，完全感觉到家的味道，对比起出面嘅餐厅，好难得可以饮到一碗真材实料嘅靓汤💛
椒盐大虾真系要大大推荐，啱晒钟意重口味嘅朋友，虾唔单止新鲜，仲好香脆弹牙，咬落去脆卜卜，完全系平时睇ASMR听到嘅声，𩠌饭真系一流👍🏻👍🏻
椒盐大虾
0 浏览
0 赞好
0 留言
金银蛋浸时蔬，时蔬我哋拣咗娃娃菜，娃娃菜好鲜甜，味道唔会太淡，亦都唔会太咸。
金银蛋浸时蔬
3 浏览
0 赞好
0 留言
避风塘牛柳系店员推荐，炒得好惹味，好有火候，牛柳好烟韧，份量亦都好大碟，又系好啱𩠌饭😋
避风塘牛柳
2 浏览
0 赞好
0 留言
嚟到港式茶餐厅又点可以唔叫返杯奶茶，所以饮品方面，我哋叫咗港式奶茶，少冰少甜，茶同奶嘅比例啱啱好，四个字总结，香浓幼滑！
港式奶茶
2 浏览
0 赞好
0 留言
至于白饭好大碗，我哋净系挂住食𩠌，都唔记得咗仲有一大碗白饭🤣
餐厅嘅店员都好好倾，而且落单上菜都好快手，服务方面值得一赞👍🏻
虽然食完二人套餐都好饱，但我哋见到有1蚊任食雪糕🍨忍唔住都叫嚟试，我哋试左豆腐同绿茶味，豆腐味雪糕好香浓，绿茶味亦唔会太甜🤤
最后两个人都食得好饱，都觉得好满足，总括而言，餐厅性价比几高，而且坐得几舒服，味道亦都系有保证，值得大家同朋友过嚟一试！😋
张贴
