住家飯

营业中

休息中

相信唔少搬咗出嚟住嘅年青人，都想寻找家的味道。但放工又赶唔切买𩠌煮饭，又惊茶餐厅或外卖唔太健康，所以屯门街坊就推荐呢间住家饭！放工就有老火汤、各式各样小菜，真系好满足呀！节瓜章鱼花生眉豆鸡汤对于我哋嚟讲，一餐饭最重要就系汤！今晚嘅老火汤选择系节瓜章鱼花生眉豆鸡汤，明显落足料，所以味道非常香浓，仲可以食埋汤渣呢！沙嗲金菇肥牛粉丝煲沙嗲味非常香浓，仲带有花生香味，非常有层次，绝对系送饭必叫！金菇同肥牛嘅份量十足，但最惹味嘅当然系粉丝啦！酸菜鱼片家庭式制作嘅酸菜鱼片，味道有别于湘川风味，酸辣味都唔会太浓，但重点系少油，感觉相对健康。至于鱼肉嫩滑，兼且无骨，啖啖肉真系够晒满足。椒丝腐乳炒通菜有鱼有肉，又点可以无菜呢！呢个椒丝腐乳炒通菜够镬气，通菜新鲜爽口，索晒椒丝腐乳香味，确实唔错。