DHYC Dimsum Restaurant

营业中

休息中

去完朋友屋企，佢带我去呢间可以食点心餐厅，可以看到无敌大靓景好chill，适逢呢一晚系三号风球🤣叫咗几个小𩠌和点心吃😍陈皮普洱茶啲陈皮味好劲好香，茶叶质地好滑。啫啫大澳虾干椰菜苗- 闻到劲香虾酱味道，几条虾干超大条，大澳虾干果然好味🤤椰菜苗我第一次食，但系非常好味好爽口新鲜。脆炸鱼柳配粟米汁及糖醋汁- 炸粉炸得刚刚好，外层脆口，鱼柳每一条份量适中，配上自家制糖醋汁及粟米汁两种味道配搭都好味，个人喜欢糖醋汁，因为酸酸甜甜开胃。鹌鹑蛋松露烧卖-中西合璧配搭松露，咬一啖已见到成粒鹌鹑蛋，味道唔会咸。招牌小笼包- 真系做皮薄馅靓，小笼包琅琅下又唔会穿出来。焗叉烧包- 菠萝包皮焗至香口，叉烧肥厚适中。 蒜蓉粉丝蒸鲜鱿- 虾酱好香，鲜鱿很大片新鲜弹牙好入味，粉丝吸满虾酱的味道。