影片
更多
2022-03-18
3826 浏览
Caprice weekend lunch嘅booking向来非常之full, 今次我地12月就订定位，最快都要等到3月先有得食，米芝莲3星嘅餐厅果然系不同凡响。我地系订枱嘅时候讲定左想要海景位，餐厅话会尽量帮我地安排，最后又真系安排到❤️落地大玻璃下望住无际嘅维港景色 食饭，为成餐饭开左个唔错嘅头。Caprice 嘅服务绝对对得住米芝莲3星嘅头衔🎖️负责我地张枱嘅侍应非常健谈，友善咁为我地介绍每道菜式，期间仲不停问我地对菜式嘅意见，非常周到。同侍应倾计后先知原来餐厅系二月中至三月头都因为疫情冇开，咁岩系我地订左嘅果个weekend先开番，真系好彩岩岩好食到🤤唔知系咪因为疫情嘅关系，Menu同我地之前睇定嘅略有不同，价钱比想像中贵少少，分别系✨$988/4 courses同$1098/5 courses。难得黎到价钱又唔相差太远，我地就拣左5 courses.✨Appetizer - 香煎法国鸭肝伴木梨蓉配蓝芝士汁前菜嘅卖相非常精致，作为第一道菜令人食指大动❤️鸭肝口感肥美而细嫩，入口即溶，同蓝芝士酱汁配搭得宜，感到油腻时食一啖木梨蓉调和一下，我同朋友都食到赞不绝口🤤✨Soup - 南瓜浓汤
Caprice 嘅服务绝对对得住米芝莲3星嘅头衔🎖️负责我地张枱嘅侍应非常健谈，友善咁为我地介绍每道菜式，期间仲不停问我地对菜式嘅意见，非常周到。同侍应倾计后先知原来餐厅系二月中至三月头都因为疫情冇开，咁岩系我地订左嘅果个weekend先开番，真系好彩岩岩好食到🤤
唔知系咪因为疫情嘅关系，Menu同我地之前睇定嘅略有不同，价钱比想像中贵少少，分别系✨$988/4 courses同$1098/5 courses。难得黎到价钱又唔相差太远，我地就拣左5 courses.
✨Appetizer - 香煎法国鸭肝伴木梨蓉配蓝芝士汁
前菜嘅卖相非常精致，作为第一道菜令人食指大动❤️鸭肝口感肥美而细嫩，入口即溶，同蓝芝士酱汁配搭得宜，感到油腻时食一啖木梨蓉调和一下，我同朋友都食到赞不绝口🤤
✨Soup - 南瓜浓汤配栗子乳鸽肉云吞
鲜黄嘅南瓜浓汤一如想像中清甜，令人惊喜嘅反而系中间嘅乳鸽肉云吞，丝丝嘅鸽肉令成道菜嘅层次变得丰富。
✨Fish - 时令鲜鱼酿蘑菇配黑松露白酒汁
食法国菜最令人享受嘅就系厨师层出不同嘅 烹调方式，菜式往往同想像中嘅有所不同，今次呢道时令鲜鱼就系好好嘅例子。厨师将多宝鱼拆肉，并在鱼肉中酿入鲜蘑菇；鱼肉嘅口感烹调得细滑幼嫩，恰到好处，磨菇同松露嘅香味则比鱼肉嘅味道更为突出，为成道菜式锦上添花。
✨Meat - 法国乳鸽伴鸭肝芹菜头配黑莓及威士忌汁
另一道令人意想不到嘅菜式，但作为餐厅嘅 signature 就令我略为有啲失望。菜式骤眼望落就好似一朵盛开嘅白花，最外层以芹菜头同黑莓作为点缀，包裹著中央嘅乳鸽酿鸭肝。乳鸽肉煮得非常嫩滑，鸭肝一如既往地好味，但我就唔太钟意外层嘅芹菜头，整体黎讲相对冇惊喜。
✨ 法式塔丁苹果批配焦糖雪糕
作为收尾嘅甜品卖相同样精致，但味道偏甜，并冇为成餐饭加分。
整体黎讲作为米芝莲3星餐厅，Caprice 嘅用餐体验并冇令我失望，但又未去到好惊喜，比较起黎嘅话我就更钟意同样系3星餐厅，但价钱更平嘅Robuchon❤️
张贴
