影片
更多
2024-02-24
58 浏览
今次嚟到半岛酒店地库「钏Kushiro」嘅厨师发办Omakase ~ 晚餐时分入座，比我嘅感觉系装潢幽静有格调，职员非常有礼专业，训练有素，每一道菜食材都记得好清楚，会仔细咁样介绍俾客人，成个过程都堪称系视觉、味蕾以及知识上嘅深度享受 ✨❣️泷 TAKI$2280｛おつまみ3品・一品料理3品・鮨8贯・お吸物・デザート｝・おつまみ3品✨鳗鱼苗 配 萝卜渍前菜已经好有特色，呢道鳗鱼苗用一个好精致嘅杯仔装住，师傅介绍鳗鱼苗系春天先有 ，属于季节特色。配上自家制萝卜渍一齐食，就好似食乌冬咁样口感丝滑，酸甜开胃，打开味蕾。✨一品料理之后上咗一道又系造型好精致嘅一品料理，用一个透明有盖水晶容器装住上碟，配贝壳匙羹仔 ，未食已经充满期待😍呢度菜系虾配上鱼子酱，中间有柚子醋，番茄jelly ，再以龙虾膏做底，一啖过食晒咁多层次，好似成个海洋嘅鲜味都系嘴入面 ，令人齿颊留香。✨北海道北极贝之后送上一道北极贝，摆盘唔使讲都系满分，呢度菜嘅灵魂就喺佢嘅酱汁入面，以牛油面豉煮到五成熟，唔会太生之余，又保留到北极贝嘅新鲜口感与风味，上面放上九条葱以及红椒丝作为点缀，增添香气同埋色彩 。✨寿司🍣之后系四款手握寿司，
晚餐时分入座，比我嘅感觉系装潢幽静有格调，职员非常有礼专业，训练有素，每一道菜食材都记得好清楚，会仔细咁样介绍俾客人，成个过程都堪称系视觉、味蕾以及知识上嘅深度享受 ✨
❣️泷 TAKI$2280
｛おつまみ3品・一品料理3品・鮨8贯・お吸物・デザー
ト｝
・おつまみ3品
✨鳗鱼苗 配 萝卜渍
前菜已经好有特色，呢道鳗鱼苗用一个好精致嘅杯仔装住，师傅介绍鳗鱼苗系春天先有 ，属于季节特色。配上自家制萝卜渍一齐食，就好似食乌冬咁样口感丝滑，酸甜开胃，打开味蕾。
✨一品料理
之后上咗一道又系造型好精致嘅一品料理，用一个透明有盖水晶容器装住上碟，配贝壳匙羹仔 ，未食已经充满期待😍呢度菜系虾配上鱼子酱，中间有柚子醋，番茄jelly ，再以龙虾膏做底，一啖过食晒咁多层次，好似成个海洋嘅鲜味都系嘴入面 ，令人齿颊留香。
✨北海道北极贝
之后送上一道北极贝，摆盘唔使讲都系满分，呢度菜嘅灵魂就喺佢嘅酱汁入面，以牛油面豉煮到五成熟，唔会太生之余，又保留到北极贝嘅新鲜口感与风味，上面放上九条葱以及红椒丝作为点缀，增添香气同埋色彩 。
✨寿司🍣
之后系四款手握寿司，师傅手势好专业，有功底。
🐟针鱼：春天先有既鱼，系我第一次食，呢款白身鱼味道清甜，作为开场再好不过
🐟池鱼: 味道比起第一款鱼浓番少少，循序渐进
🐟赤贝: 大大只，好足料
🐟𫚕鱼：我一向都好钟意𫚕鱼，呢个都绝对冇令我失望
✨帆立贝➕牡丹虾昆布积
之后再送上呢道一品料理，帆立贝一开二，新鲜厚肉，食落好鲜甜，旁边配上牡丹虾，两种唔同嘅鲜味配埋一齐相得益彰，旁边放上少少柚子盐吊味
✨𩽾𩾌鱼肝配西瓜积
食完咁多海鲜，送上一份口感棉滑的𩽾𩾌鱼肝，我平时麻麻哋𩽾𩾌鱼肝，比较怕腥，但呢个就一啲都唔腥，口感好似鹅肝咁顺滑 。上面嘅西瓜渍都系本店特色，第一次尝试既，爽脆清甜，好好咁样中和左𩽾𩾌鱼肝既浓味
✨淮山渍
除咗主要食材之外，呢度嘅配菜都令人眼前一亮，呢度嘅师傅系香港比较少有嘅专心做蔬菜渍既师傅，每隔几日就会亲自制作，呢一份淮山渍系我试过最好味嘅，忍唔住要多一碟😅
❣️热食：
✨香煎鲷鱼
上面的酱汁由鲷鱼骨熬制浓汤，再加入姜蓉以及秘制酱汁制成，水菜笋紫苏花作为伴碟 ，香口惹味
✨寿司🍣
之后再送上一系列寿司
🐟金目鲷：但系睇相都知道超新鲜
🐟中拖罗：肥瘦适中，有口感
🐟大拖罗：我最爱嘅大拖罗，油脂饱满，脂香四溢
🐟海胆手卷：第一次见到海胆手卷系满满两层海胆，师傅一啲都唔吝啬，一啖咬落去好满足
✨玉子
个玉子做到好似啫喱咁样，冰冰凉凉又Q弹
✨野鸽清汤
加入唔同嘅家禽，甘笋洋葱菇菌 ，营养鲜味，最后用蛋白吊清，令成个汤显得好清爽
❣️甜品
呢个嘅甜品令我超级惊喜，首先已经系种类繁多，样样都摆盘好有心思，上到嚟已经眼花撩乱，最难得嘅系佢完全唔系得个样，食落每一个甜品都好好味好有特色~
✨芝麻朱古力一定系其中一样印象超深刻嘅甜品，食落口，除咗有黑朱古力嘅美味，再加入咗浓郁嘅黑芝麻香。简直好似食紧芝麻糊咁。
✨豆奶泡芙都系佢哋嘅招牌，唔会太甜，豆奶香气好出出
✨仲有丰富嘅甜品盒子 ，每一样都可圈可点 ，按照淡味道浓味嘅顺序去食，为今次嘅晚餐画上完满嘅句号。
张贴
