千樂燒味餐室 (已結業)

烧味饭同茶餐厅一样，当你唔知食咩既时候就会谂起佢，香港人都烧味饭都系会有一份情感。或者有时出完trip 返黎，食左成个星期包同意粉，真系会谂起烧味饭，始终都系香港嘅味道。好又一餐唔好又一餐，放工都系想快Ｄ食饱饱返屋企训觉，唔好搞咁多野。呢间烧味店，系正屋企附近，因为佢开到夜晚成10点半，好几次咁夜唔知食乜都系买烧味饭返屋企食，今次就第一次坐低食。小店式经营，到夜晚都系得返我呢Ｄ单身一支公食饭。环境干净企理。1人餐至4人餐都有。。对烧味饭，我系好专一既，我每次食烧味饭都会嗌叉鸡饭。贵妃鸡加上葱油，啖啖肉之余，加上味觉既满足！今次要了套餐，叉鸡饭+明火靓汤+饮品。老火汤系青红萝卜汤，唔会太咸同太油，算唔错。双并饭份量都几多，呢个价钱相当抵食。平时食烧味既地方最多系有油菜，未试烧味配手拍青瓜，所以另外散叫左。凉拌青瓜个汁唔错，唔会太辣，食落几开胃。青瓜配上烧味，减轻油腻感。除左烧味，呢度仲有手撕鸡﹑卤水拼盆﹑口水鸡等等，就算当呢度系饭堂，都唔怕会无选择。