潮龍園

营业中

休息中

本人十分喜爱食牛腩，不论清汤腩，炆牛腩，潮式，牛记，大利，华姐....都食过不下数十次！而近期大力鼓吹嘅肥牛牛腩(扇古)我亦想试下，希望有人可以推介比我去试下！今次嚟到太子嘅潮龙园，不像其他潮式面店装修简单，呢度就满布自家食品嘅灯箱，感觉有点新式！今次order 左佢地招牌货一一崩沙腩，加碟付乳通才，冻奶茶！崩沙腩，相信用清汤方式煮成，质感好爽，有层软骨中间，亦有少少肥油，唔鞋口，唔似汤渣，是我觉得值得去试嘅崩沙腩，不过，汤底唔够牛汤，比较淡，亦多油！如果十分满分，我会比七分，呢七分系全部比崩沙腩！付乳通菜，烚得似乎未够时间！奶茶系我至会，但呢度麻麻！我大约二点度，见到都几多人，多人走，多人入；都几迫下！呢度最大问题系，地下都有D滑，加上我𠮶日著波鞋，行得有少少困难，各位小心！最后有点感触，就系对牛腩店铺嘅期望，希望每个地方都有，甚至全港每区都要至少二至三间，因为牛腩面铺系香港是一种情怀，一份心血，一种对抗！对抗？冇错，因为呢种铺头对市民，对打工仔来说，是好紧要的！无论经济如何，呢种铺头加价都不会多，不过，现今社会发展迅速，很多有独特嘅商户都敌不过大财团，唯独牛腩面铺还可以坚守到现在！