影片
更多
2022-10-10
861 浏览
从来都冇写过一篇负评，因为出食评就系谂住介绍我觉得好嘅餐厅，平时食到觉得唔好食嘅餐厅会直接唔介绍，因为唔想可能系自己口味唔同既原因，令到餐厅连平反、进步、改善嘅机会都冇。不过对于服务唔好嘅餐厅，我冇咩容忍度，因为唔想大家入到去中伏，几好食嘅餐厅，冇服务嘅话，都系唔值得回访。话说今年谂住买月饼，其实我本身都买咗五、六间，女朋友谂住买月饼俾我屋企人，最尾就拣咗呢一间，因为呢间中菜点心本身都有啲想食，而且有见过Hailey介绍。同埋见到佢嘅口味去陈皮豆沙，几特别嘅月饼口味，同埋估计我屋企人应该会钟意呢种传统月饼，所以最后就拣咗呢间。于是我哋就喺8月26号星期五夜晚去攞月饼，因为见到佢喺IG 8月3号出嘅post系写11点至7点可以攞月饼，佢email上写嘅都系一样时间，咁我哋就谂住七点前攞完月饼就可以攞俾屋企人，不过我哋18:30去到餐厅𠮶时见到嘅系相中情况。餐厅一个人都冇，而且熄咗灯，因为餐厅冇门口，只系用一个带围住，心谂email唔系写七点？点解会闩咗门？跟住睇到OpenRice话餐厅系收六点，就一头雾水。于是我哋即刻打佢IG同埋email上面嘅热线，但系冇人听，当刻觉得好似被愚弄，如果
不过对于服务唔好嘅餐厅，我冇咩容忍度，因为唔想大家入到去中伏，几好食嘅餐厅，冇服务嘅话，都系唔值得回访。
话说今年谂住买月饼，其实我本身都买咗五、六间，女朋友谂住买月饼俾我屋企人，最尾就拣咗呢一间，因为呢间中菜点心本身都有啲想食，而且有见过Hailey介绍。同埋见到佢嘅口味去陈皮豆沙，几特别嘅月饼口味，同埋估计我屋企人应该会钟意呢种传统月饼，所以最后就拣咗呢间。
于是我哋就喺8月26号星期五夜晚去攞月饼，因为见到佢喺IG 8月3号出嘅post系写11点至7点可以攞月饼，佢email上写嘅都系一样时间，咁我哋就谂住七点前攞完月饼就可以攞俾屋企人，不过我哋18:30去到餐厅𠮶时见到嘅系相中情况。
餐厅一个人都冇，而且熄咗灯，因为餐厅冇门口，只系用一个带围住，心谂email唔系写七点？点解会闩咗门？跟住睇到OpenRice话餐厅系收六点，就一头雾水。于是我哋即刻打佢IG同埋email上面嘅热线，但系冇人听，当刻觉得好似被愚弄，如果你餐厅收六点，点解你IG同email上面系写七点，但一个人都冇，而且又冇人听电话，呃咗一个特登嚟攞月饼、谂住即日送俾屋企人嘅人黎中环。
我当刻好嬲，所以就喺IG出咗Story tag餐厅，不过餐厅冇回应过，而我女朋友都有喺佢哋嘅IG post问，而且有出email问究竟餐厅系开几多点。
餐厅当晚就回覆咗我女朋友，不过餐厅第一次回覆我哋只系道歉同埋地四个人提供一个tea tasting event，其实我唔想受佢哋恩惠，因为我只系想来攞月饼，如果接受咗佢哋嘅tasting，咁我系咪应该再出story同埋食评去反映真实情况。
不过餐厅始终冇正面回覆我哋究竟几多点可以攞月饼，所以之后我哋回覆我哋唔得闲去tasting，重新再问一次系咪当时OpenRice上写嘅营业时间(10-6)先系攞月饼嘅时间。(因为发觉佢哋系呢件事之后，喺OpenRice上写嘅营业时间偷偷地改咗做10-7。)
之后餐厅回覆我哋嘅系，营业时间系10点到7点，6点系last order。
虽然我仲好嬲点解餐厅冇解释点解七点前去到系冇人，亦都冇解释点解电话冇人听，但我女朋友选择再相信佢一次。
所以喺9月1号我再次尝试去攞月饼，当日我6:40去到餐厅，但我见到嘅情况系一样:餐厅一个人都冇，而且都系比条带围住，分别只系入边啲灯仲开紧(其实我冇留意到究竟灯有冇熄，只系睇返相先至第一次有熄，第二次无熄。而喺佢哋门口场上写嘅营业时间一样系10点至6点。
我再次感到俾人玩弄，尝试打电话去热线，都系冇人听，餐厅已经喺电邮回覆咗系可以七点前攞月饼，咁点解今次又系一个人都冇？我见到条带下边有一盒月饼，唔知系display定系就系我𠮶盒月饼，但我当然唔敢入去攞，因为佢已经用条带围住，我入去会俾人误会我去偷嘢。
攞唔到月饼，我当然好嬲好失望，女朋友当刻都唔想再俾机会，出咗个email俾餐厅，想取消订单同要求餐厅退款，直接买另一间月饼。
之后当晚我女朋友就收到电话，系餐厅嘅经理打嚟，佢话睇相见到灯未熄，系其实入边仲有人，只系喺入边埋紧数，又话其实都有顾客同我哋一样，嚟到餐厅见到灯未熄，就行入去，结果就揾到埋紧数嘅佢哋，就可以攞到月饼。所以佢叫我哋下次攞月饼可以出email通知佢哋先，咁佢会安排一个人喺餐厅，或者直接打佢呢个经理嘅电话。
我女朋友当刻被说服左，所以心谂就算，唔再退款，但我真系冇办法忍受。最后我喺星期六嘅晏昼去攞月饼，结果我要三顾草庐先可以攞到一盒月饼，对于餐厅嘅回应同做法好失望。
第一，我点样判断餐厅系收咗定系仲开紧？净系靠有冇熄灯？但你已经用条带围住间餐厅，咁我理论上系唔应该入嚟，其他顾客够胆入嚟，但我唔够胆，咁点解你唔解开条带，俾多啲讯息大家餐厅系未关门？见到呢条带，同埋一眼望晒餐厅一个人都冇，我正常嘅理解就系餐厅已经关门。
第二，你都识讲有其他顾客都系同样情况，咁点解你唔直接安排一个人坐喺counter坐到七点？即使你唔安排一个人喺出边安排交收月饼，咁点解你个热线喺六点到七点系冇人听？咁个热线作用系咩？埋紧数就可以唔听电话？如果个电话六点到七点系冇人听，点解你唔喺email或者IG post度写清楚？
第三，我哋第二次写email要求退款，你先直接打电话回应，咁点解唔系第一次就回覆我哋，话可以直接行入嚟餐厅入边揾埋紧数嘅你哋，即使餐厅嘅门口俾条带围住，又或者系第一次就俾经理嘅电话我哋？
第四，我喺出呢一篇食评𠮶时，见到OpenRice嘅营业时间偷偷地改咗去七点，系因为心虚？想我死无对证？但我一早影咗相，喺餐厅嘅门口系写营业到六点。
其实我唔系要求有咩补偿，我只系想餐厅第一次就正面回应我，同埋喺交收月饼嘅过程做得好啲，email同埋IG嘅指引清楚啲。如果IG post或者email写六点餐厅就关门冇月饼交收，咁我就唔会平日特登过嚟。即使个月饼几好食都好，我都已经对呢一间餐厅完全失望。
张贴
