永豪麵家

营业中

休息中

**牛腩水饺捞面**永豪面家主打竹升面，但系呢次嘅体验真系令人失望。首先，竹升面唔爽口弹牙，完全无面香味。煮出嚟嘅面条仲有好多条系黐埋一齐，明显系煮面嘅时候无松开面条，面质亦唔系传统云吞面嘅质感。牛腩方面，炆到好柴，腩汁同一般豉油冇分别，完全唔推荐。至于水饺，主打韭黄水饺，但系馅料入面嘅韭黄同木耳非常少，完全唔饱满，细细只食咗两只，只系食咗个空虚感。汤底方面，有轻微大地鱼味道，但系味精感好强烈，饮完即刻有口渴嘅感觉。整体嚟讲，呢次嘅体验真系非常失望，唔会再推荐呢间店，完全明白点解会咁少人帮衬！强烈建议老板，去试下其他传统云吞面老字号，人地都系收同你差不多价钱，你就会明你既出品收里个价钱同人差别有几远！