馬祖 (海之戀商場)

营业中

休息中

今日因有要事到荃湾西站附近办理，所以攞半日假去处理。办完正经事，就睇下有咩食去医下肚先。眼见荃湾西站呢度都有好多食肆，而本人就偏好食面，所以最后都黎左呢间~马祖台湾养生汤面馆。呢度的主食配以面类的米线及手工面为主，亦可配饭。而汤底都以药膳养生汤底为主打，亦有为好辣人士的香辣养生汤底。药膳古早牛肉汤手工面~本来我好奇点解呢碗野卖$70之际，上到枱见真章，牛肉真系好足料够份量，牛肉够淋，亦好入味，两块萝卜又淋又甜；手工面够弹牙；汤底系好浓郁的古早牛肉汤，再加上红枣，龙眼等药膳材料，$70系值嘅。药膳桃胶农场鸡米线~首先试左个汤底先，药膳汤底好清，好饮；鸡件的件头比平时的大件，今日好好彩，比左鸡翼位同少少上脾位，都滑嘅，有鸡味；桃胶浸得够，养生之宝最喜爱，而米线亦都煮得好弹牙，我喜爱的口感，还有云耳作配，红枣，杞子等药膳材料，我好喜欢这个配搭，最后我差不多饮哂成个汤底。药膳上汤墨鱼春卷~呢个小食的药膳汤底最浓，红枣的份量超多，而墨鱼卷，似炸鱼旦的做法，同药膳汤底好似唔系太夹。整体而言，养生系现代香港人追求，有呢个谂头系唔错，而面食比饭类容易上口，呢间店系我杯茶。