太平洋咖啡 (已結業)

番工中途嘅lunch hour, 自己一个又唔知食咩好, 行行下就走左上来睇下有咩食, 见到pacific coffee都几岩一个人hea呀! 叫左一杯曲奇朱古力同一个芝士蛋馅饼就坐低左. 哩度好高, 成间铺系一个角落头, 周围都系落地玻璃, 望出去个景观好靓, 系度一个人坐下休息下都几舒服呀~ 但因为周围都系落地玻璃, D阳光照入来都几热, 杯朱古力D cream就熔得好快, 都饮唔够3 4啖就熔得7788@@ 都唔知因为D冰熔得好快嘅关系, 杯野都几淡, 好似有D稀, 朱古力味唔太浓, 不过D cream系好味嘅! 仲有个芝士蛋馅饼, 冇我想像中禁好味. 成旧野冇咩芝士味, 出面个面有D干 入面就林ber ber 一pat野咁... 讲唔出系咩味 唔算怪 不过唔系好食咯...