小肥豬扒餐廳

营业中

休息中

成日都有好多机会去大围，亦都揾过好多附近美食，不过通常都系大围街市个头。今次就试下行远少少，去左海福个面试下呢间都几多大围人推荐既猪扒。呢排疫情问题都少左好多人出街，我个日下午一点几两点去到都几多人帮趁，我估都唔错既。我叫左葱油猪扒捞出前一丁（$50连饮品）。佢既葱油份量非常之多，做得唔差，几香口，就咁食味道啱啱好，但系捞埋出前一丁食就嫌淡左d。至于猪扒就好冧，腌得啱啱好好易入口，个皮仲有少少脆脆地，真系几唔错。至于最令我喜出望外既系佢大大份既火腿奄列，份量真系大到吓死人。佢唔单至份量大，用料都好足，奄列既仲大少许蛋液，好滑添。