小印度餐廳

营业中

休息中

以前要食正宗嘅印度野呢就一定系去重庆大厦揾，但你知啦重庆大厦其实有时花多眼乱都唔知边间好食，咁岩比我而家喺佐敦揾到一间舖头仔，叫做小印度餐厅，就心郁郁想入去食啦。入边面积唔系好大，但系个感觉好温馨，灯光好足，坐得都几舒服唔会觉得好黑妈妈，干净企理。餐牌有中文英文唔会唔识叫野食，鸡羊牛海鲜一应俱全甚至素食餐牌都有。一叫完嘢食侍应就送上一个脆饼加一兜薄荷酱，脆饼好薄好脆，有少少辣，加埋个薄荷酱会酸酸地，有浸薄荷牙膏味，几得意㗎。咖喱角好大嚿，入边下一啲杂豆啦薯仔啦，好好食呀。隔离𠮶个红色嘅系系鸡肉嚟嘅，加左啲柠檬汁落去，酸酸辣辣咁，好惹味。之后佢一想就上咗两碗野，我用咗10秒时间先分到边一个系咖喱，边一个系焖黄扁豆。咖喱冇我想像中咁辣，香料好重，配搭埋d印度黄饭，一流啊！鸡肉好软熟，唔会柴皮。至于焖黄扁豆就唔好以为佢颜色好重会好重口味，其实系相对清淡的一味。个甜品真系太甜，我食唔到落去。总括嚟讲，呢间印度餐厅唔错，可以嚟食下。