小叻沙 (已結業)

今日我哋又去试喇沙。今次目标就系呢间系铜锣湾新开嘅喇沙店，店面装修光猛舒服唔挤拥。菜单集中卖喇沙，不过设计就觉得可以改善下，因为10多款的喇沙入面有一款是他们推介的招牌喇沙，就零零舍舍得佢有包饮品，但其他要加钱。而每一种喇沙都可以选择汤底，有咖喱味，传统马来喇沙或猪骨汤选择。但系服务生话呢个招牌喇沙已经规定系马来西亚喇沙味，所以点菜时会有少少混乱。如果店家觉得想特显呢个招牌喇沙的话，建议另外一个格仔写「招牌喇沙套餐」，咁样落单就方便啲。汤底好滑，不过略嫌味道不够咖哩味，牛腩炆得颇淋，青瓜丝份量太少，做不到平衡口感的作用，油面同米粉嘅份量反而不少。所以都算十分抵食 汤底是马来喇沙味道，感觉和咖喱汤底分别不太大。不过值得一题是这里的汤底虽然味道不算好浓，但口感真系好滑，又唔会觉得好重椰奶味，师傅炮制汤底时做得好平衡 鱿鱼就没有什么味道，大鱼蛋亦没有弹牙口感，总括而言，好味扺食的~ 值得推介~