森美餐廳 (已結業)

新居附近有间小店西餐，想试咗好耐终于今晚有时间去试吓佢嘅牛扒。同一个商场入面其实有两间森美餐厅，记住系楼上果一间。我哋八点左右到都已经满晒座，唯有喺出边等一阵，望一望餐牌，决定order一个超值套餐，包左冷盘烟三文鱼，餐汤系酥皮海鲜汤，主食系香煎鸭肝牛柳，最后仲有甜品系芝士冻饼添，成个餐都只系二百零蚊左右。牛柳叫咗五成熟，外面𠮶浸都可以食到比较焦香嘅缩到而中间切开都见到鲜嫩嘅肉保持左肉汁。加埋前菜餐汤同甜点份量非常足够。而另一个餐就叫咗美国天然猪斧头扒，其实系见到餐厅入边有人食紧，份量非常之大够， order嘅时候店员都话要等一等因为斧头扒比较厚身，上枱嘅时候店员都提醒要切得比较薄去食，虽然话斧头扒好大嚿但系都保留左肉汁，而骨边嘅位都好容易拆出嚟食，唔想食牛扒嘅斧头扒绝对系推介之选。斧头扒配左意粉意粉系轻轻用橄榄油炒过嘅意粉加埋香草同埋斧头扒嘅酱汁都非常好味。最后斧头扒系食唔晒如果系同朋友share会更加好。小店虽然座位比较少，但流转算系快，所以我哋都系等咗10至15分钟已经有得入座啦。