華記士多 (已結業)

华记士多算系一间后巷舖，系佢未出名之前，我已经黎食。现时华记主力卖两种碟头饭，分别系咖哩蛋包饭同埋卤肉饭。咖哩蛋包饭：如果要系西湾河食好食既蛋包饭，华记应该系无人能出其右。先讲咖哩：系甜多辣少果种日式咖哩既味道，唔驶担心食完辣标唒汗。蛋：呢碟饭既灵魂，口感介乎于炒蛋同煎蛋之间，口感尚算幼滑。大胜于坊间将只蛋煎到老唒，嚡口又无味道。包饭：饭系用豉油炒过，有炒底既香气，唔会过咸；此外，饭入面有啲鸡扒肉系度，不过只系普通雪藏货色，充当肉类填充物既角色。整体黎讲系非常优秀，已经好过好多以日本美食作牌头既店舖。卤肉饭：相比蛋包饭，卤肉饭更值得我推介。同招牌蛋包饭唔同，卤肉饭迟啲可能会换成其他饭。（前身系泡菜猪颈肉饭，我估计老细系因为自家制泡菜用唒，所以转卖卤肉饭） 提起卤肉饭，大家应该第一时间谂起台湾。作为台湾既平民美食，好多人都应该食过。不过，如果你系睇旅游书或者系去台北旺区食的话，我相信你未食过真正地道既卤肉饭。（新北区有间叫今大鲁肉饭，食过你就知咩叫台湾本土风味） 番番黎香港华记先，点解要讲埋台湾风味出黎呢？华记既卤肉饭其貌不扬，就算你见到隔离台点黎食，眼球都唔会被吸引而点黎食。但禾秆冚珍