EXP

营业中

休息中

小朋友要去看溜冰，所以经常到呢间餐厅度食午餐。圣诞节之后，佢哋装修好，第一次再去。餐厅装修完之后，餐枱多咗，同埋餐枱嘅方向改变咗，对于向住溜冰场进食嘅顾客，冇咁尴尬。人流多咗，所以有啲时候都需要排队先至可以入到去。餐牌上面嘅选择同装修前有95%系一模一样嘅，只系得一两个菜式系唔同咗，选择同之前差不多。我就选择咗之前餐牌冇嘅，北海道咖喱汤鸡髀乌冬。唔系每个餐厅有咖喱汤乌冬，所以想叫嚟试吓。讲真，卖相一般，𩠌菜摆得有啲混乱，不过味道几好，系略嫌咖喱偏辣。埋单嘅时候有同职员分享食后感，话个咖喱好似偏辣，反而佢同返我讲，话个咖喱系北海道咖喱，所以系偏辣。只怪自己点餐嘅时候冇睇清楚，完全冇理过北海道三只字，一心以为咖喱汤乌冬味道。