影片
更多
2024-05-22
142 浏览
话说朝早2个人做完运动去食碗车仔面，呢间车仔面有最低消费$20，反正食碗面加小食点都有$40(2人)。餐牌门外已经有贴，咁佢有一个$50四𩠌面餐写明(送饮品 或 + $5转凉茶)，我哋一枱叫咗1碗四𩠌面转出前一丁面(老板娘话要加钱$5)、另加1份炸云吞$15，我相信睇到呢度已经计到我哋张单合共系$75但佢收咗$65。我哋睇睇食物先，煮得正常但𩠌量偏小($12得2件煎酿三宝仲要薄过杜_ _0.01)，系呀$15嘅炸云吞得5旧咋，鸭脷洲大街嚟㗎唔系尖沙咀。我平时食嘢俾钱好求其，所以老板/老板娘话几钱我就俾张$100佢找钱，找返$35(3张$10仲要有一张系烂嘅，不过我当时无睇又无数)。食到尾我先醒起未拎嘢饮就问咗老板娘先攞，点知佢同我讲我地净系食一碗面+1份小食未够最低消费，要俾多$10先有嘢饮。起初我未为意，但后来一睇之下，明明你面餐系送饮品，你够唔够最低消费都要送㗎啦，正路唔够我再叫其他嘢食啰，你套餐都系要送㗎，但2位共$40就算你收错钱$65点都够啦！结果呢？唔送，仲要同你讲「食面𠮶个够，无食𠮶个唔够，应该仲要俾返$10我！」。你分开计最低消费都算，你收我钱𠮶时无即刻提我未够钱之余，
餐牌门外已经有贴，咁佢有一个$50四𩠌面餐写明(送饮品 或 + $5转凉茶)，我哋一枱叫咗1碗四𩠌面转出前一丁面(老板娘话要加钱$5)、另加1份炸云吞$15，我相信睇到呢度已经计到我哋张单合共系$75但佢收咗$65。
我哋睇睇食物先，煮得正常但𩠌量偏小($12得2件煎酿三宝仲要薄过杜_ _0.01)，系呀$15嘅炸云吞得5旧咋，鸭脷洲大街嚟㗎唔系尖沙咀。
四𩠌车仔面 (送饮品 或 +5 转凉茶)
$50
0 浏览
1 赞好
0 留言
我平时食嘢俾钱好求其，所以老板/老板娘话几钱我就俾张$100佢找钱，找返$35(3张$10仲要有一张系烂嘅，不过我当时无睇又无数)。
食到尾我先醒起未拎嘢饮就问咗老板娘先攞，点知佢同我讲我地净系食一碗面+1份小食未够最低消费，要俾多$10先有嘢饮。
起初我未为意，但后来一睇之下，明明你面餐系送饮品，你够唔够最低消费都要送㗎啦，正路唔够我再叫其他嘢食啰，你套餐都系要送㗎，但2位共$40就算你收错钱$65点都够啦！结果呢？唔送，仲要同你讲「食面𠮶个够，无食𠮶个唔够，应该仲要俾返$10我！」。
你分开计最低消费都算，你收我钱𠮶时无即刻提我未够钱之余，仲要商品说明不符(要送但无送)，我返转头同你讨论反而系我差你钱。希望大家路过想食之前谂一谂自己数学考几分先好入去。
张贴
