影片
更多
2011-08-03
19 浏览
是日朋友生日，为佢庆祝，约咗系重庆烧大食一餐。文英街几十米内便开咗四间“重庆烧”，虽然都系小小间，但生意可以做到咁兴隆，已经足够叫人刮目相看。七点几去到，已满座，在店门口等咗十几分钟，满街的烧烤味，一股股热浪直逼过来，热得周身沸腾，在此等位绝对系苦差事，为咗一尝蜜烧南瓜饼，再热都等。终于，我哋攞位坐低，攞点餐纸点嘢食，发现价钱全部作过调整，比之前都贵过一两蚊，一餐食落分分钟贵廿几三十蚊。嗌嘅啲嘢食逐一上台，大动筷子。凉拌黑木耳$20/碟，以黑醋、鼓油和辣椒酱凉拌，酸酸辣辣，几醒胃，就算平时少吃醋嘅我都可以食入口，惟一要嫌嘅系黑木耳太过粗硬，唔似之前来食开嘅黑木耳细滑。芝士牛油焗海中虾$48/9只，采用海虾，这会比塘养虾来得更有虾嘅鲜甜味，加埋香口芝士和牛油，用锡纸包住来焗，锁住海虾嘅鲜味，食起来更加香甜，根本唔需要用豉油蘸住来食。蒜烧美国石蚝$84/6只，以新鲜石蚝铺上蒜茸，调好味道，直接放在烧烤炉上烧，烧熟后点缀上葱花红椒丝，甚是漂亮。成只蚝连啲蒜蓉夹入口，或者蒜茸味辟走咗蚝嘅腥味，并唔觉得腥。烧韭菜$11/串，将韭菜逐条逐条串成一串，好中意用来烧韭菜的调味粉，令得平平无奇嘅韭菜霎时
文英街几十米内便开咗四间“重庆烧”，虽然都系小小间，但生意可以做到咁兴隆，已经足够叫人刮目相看。
七点几去到，已满座，在店门口等咗十几分钟，满街的烧烤味，一股股热浪直逼过来，热得周身沸腾，在此等位绝对系苦差事，为咗一尝蜜烧南瓜饼，再热都等。
终于，我哋攞位坐低，攞点餐纸点嘢食，发现价钱全部作过调整，比之前都贵过一两蚊，一餐食落分分钟贵廿几三十蚊。
嗌嘅啲嘢食逐一上台，大动筷子。
凉拌黑木耳$20/碟，以黑醋、鼓油和辣椒酱凉拌，酸酸辣辣，几醒胃，就算平时少吃醋嘅我都可以食入口，惟一要嫌嘅系黑木耳太过粗硬，唔似之前来食开嘅黑木耳细滑。
芝士牛油焗海中虾$48/9只，采用海虾，这会比塘养虾来得更有虾嘅鲜甜味，加埋香口芝士和牛油，用锡纸包住来焗，锁住海虾嘅鲜味，食起来更加香甜，根本唔需要用豉油蘸住来食。
蒜烧美国石蚝$84/6只，以新鲜石蚝铺上蒜茸，调好味道，直接放在烧烤炉上烧，烧熟后点缀上葱花红椒丝，甚是漂亮。成只蚝连啲蒜蓉夹入口，或者蒜茸味辟走咗蚝嘅腥味，并唔觉得腥。
烧韭菜$11/串，将韭菜逐条逐条串成一串，好中意用来烧韭菜的调味粉，令得平平无奇嘅韭菜霎时化平凡为神奇，令人食落津津有味，只不过成条韭菜几考牙力，要不然一半在口中一半在喉咙处并不好受，哈！
烧鸡肾串$11/串，调味料同韭菜嘅调味料一样，咬一块入口，烟烟靱靱，一样考牙力。
烧原条茄子$22/条，将一条茄子对半切开，在切面铺满蒜蓉，调好味道成条攞去烧，烧到烂熟，食时用筷子挑起白色茄子肉，虽说茄子肉淡而无味，但中合咗调好味道嘅蒜茸，淡中有味，恰到好处。
烧多春鱼$22/6条，逐条多春鱼用竹签从鱼嘴处插入再烧，食时握住竹签，干净又方便，几好。多春鱼，顾名思义，都系大肚鱼，食住多春鱼时，我都会小心食晒每一粒鱼子，那每一粒鱼子都系每条鱼妈妈嘅宝贝儿，每一粒便系一条鱼BB。有时，食住多春鱼时，我嘅脑海中会忍不住会生出一种一知半解嘅疑惑：为何多春鱼条条有鱼子，唔通多春鱼族全系雌性？而雌性又如何繁殖下一代，唔通好似《西游记》中女人国嘅女人，饮一啖河水便会大肚？嘻嘻，明知女人国不过乃一种神话式嘅描写，但动物界嘅神奇，确实令我匪夷所思！扯远了，再说回烧烤。
日式烧饭团$20/两个，用米饭握实成三角形状嘅饭团，两面翻转烧，饭团嘅表面洒上调味粉，外咸内淡，外焦内湿，这令我谂起家乡嘅饭焦。小时候，家族十几口人嘅饭菜一锅煮，食嘅系大锅饭，而我哋福建人最喜欢煮咸饭食，简单省时，即系用油、米、菜和盐，加适量水一锅煮成大锅饭，通常锅底一定有饭焦，而我最乐意攞果啲饭焦来食，焦黄焦黄的，又带有油香味，香脆香脆的，食在嘴中很过瘾，只是吃多了会热气。而今晚吃在口中嘅日式饭团烧功并不到位，内里的饭粒仲系冻嘅，表面也并不香脆，这有啲遗撼。
香辣田螺$30/碟，这不是现炒田螺，冻冰冰，好辣，并且大大粒，可以用竹签挑出螺肉来食，我并唔知大粒螺贵啲定系细粒螺贵啲，就我个人而言，我反而喜欢细细粒嘅田螺，可以用大拇指和食指抓住送往嘴边，以嘴唇辅助舌头，一吸气将螺肉吸入嘴中，有种啃瓜子般嘅好玩与过瘾，嘻嘻！
蜜烧南瓜饼$18/3个，这是我的心头好！可以讲呢一餐全由我拿主意，而我就系冲住呢样甜品而拣咗呢间餐厅嘅。之前嚟食过，一食难忘，而家专登为它而来。不过，今晚有啲小小失望。原因一，侍应忘记咗帮我哋落单，食完所有嘢，迟迟唔见心头好出现，追问之下先知无落单，补单后制作需时，惟有耐心等候，等啊等，等到花也谢了；原因二，今晚嘅南瓜饼出品大不如前，表皮火候唔够，软淋淋，可谓“期望越大，失望越大。”
总体来讲，朋友对嘅呢餐庆生餐都算满意。所有嘢都系细细碟，可以食多几碟，虽然三个人食咗三四百蚊，但有七八样嘢食落肚，有虾有蚝，算系咁喇！
张贴
