Coti (沙咀道)

营业中

休息中

远离尘嚣既大厦精致cafe依间cafe虽然唔近地铁站，但就因此清静休闲舒服，坐底叹下午茶吃下野，好写意，不禁羡慕起系果到返工既人🤤。如果要黎除左行之外，仲可以坐小巴直接到大厦门口，好方便！行就远左少少。野食我觉得好平！好平！好平！姐系而公价黎讲好抵架啦，份量又多，我地叫左：All day breakfast $63香煎鸡扒：有两块，味道上重黑蒜味，好香又够入味，肉质上好咬口，熟度合适，我就觉得几好食。炒滑蛋：蛋好大份，保守估计都用左3只蛋有多，都系估🤣但就系以breakfast 黎讲占左好大份，味道上不过不失，够滑。田园沙律+吐司：沙律不过不失，吐司系蒜蓉味，有惊喜，我个人就好中意食蒜蓉包，🙈厨师整得几好。原条鳗鱼滑蛋配日本饭 $78鳗鱼大条，烹调方法正确，味道入味，系心目中对日式鳗鱼饭理解既味道，特别系份量大，有原只鳗鱼，抵食！抹茶鲜奶 $38奶味浓，配埋抹茶唔会过甜，推荐！野苺西柚特饮 $40西柚饮品一般偏苦涩，依个加上野苺，反而令大众更易接受，有好多野苺肉可见唔系色精沟出黎，也不错。