唐宮小聚 (荃新天地) (已結業)

所谓三个女人一个墟 今日三个女人再加一个BB女 真系讲到停唔到🤣 好彩佢呢度环境舒服 而且又有BB櫈 可以比BB乖乖地坐定 等我哋可以好好倾偈。最好就系佢呢度啲点心造型全部都好有特色 有猪仔 蘑菇 山竹，唔好话小朋友 大人都相当吸睛。而且佢个麻辣乳鸽真系几好食 咸咸辣辣好惹味，价钱亦都相当理想 出边而家闲闲哋食只乳鸽都五六十，佢仍然可以做到39$ 一只，仲想点啊？三五知己坐埋一齐食个lunch倾吓计 呢度真系好啱，因为佢啲嘢唔会好大份好啱大家share。