INN - I’m Not Nothing (已結業)

行经好多次，以为呢间inn只系叹花茶之类所以冇去，今日听到狗吠声及见到镁光灯不停闪，原来隔离chill inn有汪星人party，咁就索性去呢间地球人inn坐坐。播住爵士乐，装修系几优雅，白色主调，比较啱啲拎个手袋仔就出街嘅靓女嚟chill，因为啲圆枱系细到咖啡室𠮶款，放兜餐具、一碟主菜、一杯饮品没多余空间，亦冇位放背囊，凳背系圆形亦挂唔到背囊，颇尴尬。先嚟两碗跟餐粟米🌽汤，打得好碎，有啲似食粟米粥但有奶香，好幼滑👍🏻。烤焗西西里鸡扒配菠菜忌廉意大利饭整得juicy，系块鸡扒冇切件又冇俾刀我有啲大意。加拿大慢煮猪肉眼配金巴车厘子酱，块扒足有36号脚咁长，意外地巨形！连续切咗五六块感到吃力，初时唔知系把刀钝定块扒硬，但食落口块扒又软硬适中，边缘稍有筋位好嚼口，个车厘子酱系几夹块扒，系少得滞，还好有一抹黄芥辣填补，不足处系个配菜红萝卜青豆有啲过熟发黄。食埋个蓝莓斑戟，儿童竖拇指话必须5星。蓝莓🫐极新鲜，个cream亦讨好，不油不腻，配埋杏仁片、蓝莓🫐、酱、班戟一口吃滋味无穷。自助落单唔驶嘥自己数据，可连接九展emax wifi ，速度够播片。