睿日本料理 (已結業)

放工喺大坑揾食，见到转角呢间日本餐厅有mini omakase食，价钱又唔贵，就心郁郁想试。2人前omakase都系$680，前菜先有角切鱼生、日本高糖蕃茄同柑橘醋配海蜇。三样都系酸咪咪，好开胃。刺身有油甘鱼、左口鱼同银鳕鱼。银鳕鱼好烟韧，好味！油甘鱼好多鱼油，好满足。烧物系西冷牛扒，蒜片炸到好香脆，夹埋牛扒食好香口。手卷系海胆蟹肉，清清地唔会腻。天妇罗有蕃薯、南瓜、冬菇、虾同紫苏叶，好多淀粉质，好饱。淮山蓉荞麦面好味，啖啖地，好有日本风味。大蚬面豉汤好鲜味，大大粒蚬肉。甜品系栗子蛋糕，食到栗子蓉。唔好以为好mini，系超级饱嘅一餐。