影片
更多
2013-02-25
680 浏览
因为有朋友在永吉街开时装店，所以有时都会经过呢条街主要零售为主嘅小巷。早前经过永吉街，系众多嘅绿色小档后面，见到一大个橙色嘅小雨天嘅招牌，有点惊喜，一来永吉街本身唔多食肆，二来系我钟意食嘅米线，不过当时未正式开。今日路过永吉街，人流唔多，绿色小档亦无开，幸好小雨天有开，嘻嘻。餐厅环境都算宽敞，有四人卡位，亦有圆台，櫈有分有椅背同埋圆櫈，最令人印象深刻系金色面嘅圆櫈，加上灯光照射，闪闪发光。由于未够十二时，店内不算太多人，我可以拣卡位坐，卡位比平时阔，坐四个人都唔会觉得迫。因为中环士丹利街同葵芳店都未去过，今日系第一次食小雨天，眼前餐牌款式甚多，真系睇咗我差唔多五分钟，最后就拣咗云南风味小锅米线 (小辣) $22，加咗两款𩠌 (每款 $5)，一个系时菜，不过店员说只有娃娃菜，另一款系猪腩肉。另外叫了一个人气美食推介，卤水大肠 ($26)，而餐饮可以加钱，我拣咗热柚子茶 ($8)。当我仲系到影紧相嘅时候，我叫嘅食物和饮品已经好快奉到台上。卤水大肠果然系推介小食，卤水汁真系唔错，不过浓，猪大肠很入味，食落好软腍，系一个很多嘅开胃小食。而云南风味小锅米线份量都唔少，估唔到猪腩肉系白色嘅，同我食
因为有朋友在永吉街开时装店，所以有时都会经过呢条街主要零售为主嘅小巷。早前经过永吉街，系众多嘅绿色小档后面，见到一大个橙色嘅小雨天嘅招牌，有点惊喜，一来永吉街本身唔多食肆，二来系我钟意食嘅米线，不过当时未正式开。今日路过永吉街，人流唔多，绿色小档亦无开，幸好小雨天有开，嘻嘻。
餐厅环境都算宽敞，有四人卡位，亦有圆台，櫈有分有椅背同埋圆櫈，最令人印象深刻系金色面嘅圆櫈，加上灯光照射，闪闪发光。由于未够十二时，店内不算太多人，我可以拣卡位坐，卡位比平时阔，坐四个人都唔会觉得迫。
因为中环士丹利街同葵芳店都未去过，今日系第一次食小雨天，眼前餐牌款式甚多，真系睇咗我差唔多五分钟，最后就拣咗云南风味小锅米线 (小辣) $22，加咗两款𩠌 (每款 $5)，一个系时菜，不过店员说只有娃娃菜，另一款系猪腩肉。另外叫了一个人气美食推介，卤水大肠 ($26)，而餐饮可以加钱，我拣咗热柚子茶 ($8)。
当我仲系到影紧相嘅时候，我叫嘅食物和饮品已经好快奉到台上。卤水大肠果然系推介小食，卤水汁真系唔错，不过浓，猪大肠很入味，食落好软腍，系一个很多嘅开胃小食。
而云南风味小锅米线份量都唔少，估唔到猪腩肉系白色嘅，同我食另一间嘅猪腩肉好唔同，因为系白色嘅关系，所以卖相扣咗少少分，不过食落都好腍，好肥美，如果加多一点调味腌料可能会更好。
云南风味小锅米本身配有炸酱，酸菜，芽菜，韭菜，芫茜。 酸菜系比较酸，系没有甜味那种，芽菜都很爽口，而娃娃菜很清甜。
米线看来似腍，不过原来都好弹牙，不错！
热柚子茶饮落有点淡有点稀，柚子味不浓也不甜，似乎加多了水。
总括而言，系呢个中上环交界位置，要找一间款式多而价钱又大众化嘅食肆都不太容易，对于星期日多数食西餐嘅我可以多了一个选择，下次再来嘅时候就可以试其他食物。张贴
