幸屋

营业中

休息中

同女友去完湾仔行街，顺便行下附近睇睇有乜食店，见横街小巷里有一间拉面店餐牌几吸引，就入去试试，好彩时间尚早唔驶等位就入到去食，拉面店面积算大楼底好高，好有空间感，布置简单而舒服，座位有四人枱及吧枱位供选择。拉面选择有七款，面条类别有粗面和幼面，软硬度、汤嘅浓度同配料可以自己决定 。我点左个胡麻王，芝麻汤拉面，好浓厚嘅汤底，汤底附上黑芝麻味道更加滋味，配料十足。之后女友叫嘅黑武士，黑蒜油拉面，亦都上枱，汤底附上肉碎，有点似中国风味。差唔多每次去拉面店都要点埋小食先满足，今次亦唔例外，点咗炸鸡同栗子饼，即叫即炸，香脆可口。