影片
更多
2021-07-29
123 浏览
小巷的悠闲角落一入到呢间位于湾仔小巷尽头嘅cafe & bar，就觉得有种悠闲漫活嘅氛围，令我谂起自己去澳洲旅行𠮶时经常随时走入一间coffee shop 饮吓咖啡叹吓brunch嘅日子。.餐厅嘅装潢系我最爱嘅简约黑白风格，餐枱餐椅以木为主，最吸引眼球嘅系水bar上方放满咗黑胶碟封套做装饰，近门口嘅墙身位置仲有一个由好多个四方格组成嘅架，放置咗比较复古嘅摆设，而某啲座位嘅后方仲挂有油彩画添，充满文化气息。.食物方面，有all-day breakfast、意粉、Burger、咸甜嘅Crepe、扒、小食，选择甚多，早午晚嚟到都会揾到啱食嘅嘢。.《Grilled Beef & New Potatoes Salad》$88叫咗一个好多人推荐嘅Salad，上菜嘅时候比想像中大碟，我哋两个人share都几足够。烧牛肉份量慷慨，烧得恰到好处，肉嘅中间位置系好吸引嘅嫩粉红色，食落好嫩。车厘茄同垫底嘅沙律菜新鲜爽脆，仲有成半个牛油果！最钟意佢仲有好多面包粒同埋稍稍煎香咗嘅薯粒，成个salad口感非常丰富，沙律汁酸酸地超级开胃😍.《Soft-shell crab risotto》$118软壳蟹系其中一样我
一入到呢间位于湾仔小巷尽头嘅cafe & bar，就觉得有种悠闲漫活嘅氛围，令我谂起自己去澳洲旅行𠮶时经常随时走入一间coffee shop 饮吓咖啡叹吓brunch嘅日子。
.
餐厅嘅装潢系我最爱嘅简约黑白风格，餐枱餐椅以木为主，最吸引眼球嘅系水bar上方放满咗黑胶碟封套做装饰，近门口嘅墙身位置仲有一个由好多个四方格组成嘅架，放置咗比较复古嘅摆设，而某啲座位嘅后方仲挂有油彩画添，充满文化气息。
.
食物方面，有all-day breakfast、意粉、Burger、咸甜嘅Crepe、扒、小食，选择甚多，早午晚嚟到都会揾到啱食嘅嘢。
.
Grilled Beef & New Potatoes Salad
$88
22 浏览
0 赞好
0 留言
《Grilled Beef & New Potatoes Salad》$88
叫咗一个好多人推荐嘅Salad，上菜嘅时候比想像中大碟，我哋两个人share都几足够。烧牛肉份量慷慨，烧得恰到好处，肉嘅中间位置系好吸引嘅嫩粉红色，食落好嫩。车厘茄同垫底嘅沙律菜新鲜爽脆，仲有成半个牛油果！最钟意佢仲有好多面包粒同埋稍稍煎香咗嘅薯粒，成个salad口感非常丰富，沙律汁酸酸地超级开胃😍
.
Soft-shell crab risotto
$118
7 浏览
0 赞好
0 留言
《Soft-shell crab risotto》$118
软壳蟹系其中一样我好钟意食嘅嘢，通常我见到有软壳蟹嘅菜式都会叫🤭呢个软壳蟹Risotto卖相好靓，软壳蟹炸得金黄，食落酥脆，唔会话觉得好厚粉，而且佢除咗面头有软壳蟹之外，饭入面仲混杂住一丝丝嘅蟹肉🦀Risotto嘅硬度系al dente，系正宗嘅，但我就偏好淋少少，纯粹个人口味问题。酱汁方面，忌廉汁creamy得嚟唔会太漏，可能因为有啲蔬菜喺入面中和返，所以食晒成个饭都唔会觉得好滞。
.
Tonic Expresso Bomb
$68
18 浏览
0 赞好
0 留言
《Tonic Expresso Bomb》$68
呢度有好多手工啤同cocktail，不过因为我同朋友都唔饮酒，所以就叫咗咖啡。Tonic Expresso Bomb相当特别，佢有三样components，分别系一杯杯边沾有砂糖嘅tonic water，一小杯expresso同一旧橙。首先将expresso倒入tonic water，然后再掟埋旧橙入去笃咗几吓（其实唔知咁做啱唔啱😂可能纯粹for插杯边🤭），饮饮下又觉得几正，有expresso嘅甘苦，砂糖嘅甜，仲有橙嘅酸甜，五味杂陈得嚟又几过瘾。
.
Iceberg
$68
10 浏览
0 赞好
0 留言
《Iceberg》$68
相比之下，Iceberg就冇咁特别，有啲似黑牛，只系可乐变咗做咖啡。呢款咖啡偏酸，不过当云呢拿雪糕溶咗，加添咗奶味同甜味落咖啡入面之后就好饮咗好多！
张贴
