騷 (已結業)

又嚟试下小店，穿过诺士佛台，隐蔽嘅楼上舖原来都有唔少客，当然，以星期五嚟讲算唔多人喇～两个人一人试一杯饮品....左：Bomber Zombie，rum做base，再加唔同fruits，几清新几特别。另一杯系＂热恋中的废青＂，就系Roseilie Tea + Lavender，啱哂钟意饮果茶嘅人。蟹肉洋葱奄列配牛角包：不时喺餐厅比较少见，系几特别，但蟹肉极少，牛角包又比预期中细，有点失望～吉列炸蚝：冇咩特别但好味，欣赏嘅系有菜伴碟。Mini Burgers ：声称系100%手打猪肉，食得出佢系自家制肉丸，唔会太干，面包亦够脆，唔错！Ribs：如menu所写真系好似叉烧，味道好特别，可惜分量比预期中少好多，尤其是那薯蓉，只有两啖，仲要系冻嘅，即刻令整道菜失色咗～同场有live music，气氛唔错，系嘈咗啲，要倾计就唔太适合喇。