越界金邊粉 (已結業)

今日经过崇洁街，见到有间装修咗好耐嘅小店新开营业，入去试试先！睇吓有无惊喜！想叫饭，卖哂！听到佢咁讲，已经想起身转场，点知佢地又好好招呼，唯有拜拜地坐底，睇吓有无惊喜啦.....叫咗个牛肉粉，札肉鸡丝粉，牛肉粉配牛肉汤底，札肉鸡丝粉咪配返鸡汤底啰！两碗粉上枱，配料份量不足，河粉偏厚身，唔系我杯茶，安慰嘅系两个汤底都出色，鸡汤唔系D现成买嘅清鸡汤，牛肉汤底饮得出牛肉味，两个汤底都好清甜。相信佢地唔系做开饮食，柠檬茶明显偏淡，所以要求加甜。虽然今次经历比较失望，但我会再黎帮衬，支持吓D小店嘛！唔通支持D大集团咩！