咕嚕咕嚕 (已結業)

系太子呢边附近做完野，碌下ig睇下有乜食，见到有呢间新丁小店介绍，咁岩系正附近，于是就行过去试下啦小店位处太子道西同大南街交界位，好易见到，不设堂食，只做外卖。但系食物款式多多，有鸡翼，格仔饼以至车仔面都有，卖咁多款，到底质素如何呢?肚饿关系，叫完车仔面再叫埋三色著条做小食车仔面已经够哂特别，一般面店都系俾米线，米粉，幼面，粗面你拣，但呢间就唔系，标榜手工面，多款口味选择，我就选左原味，拣完面，仲有汤底，我就选左龙虾汤底。等左5分钟左右就可以拎得，一打开就热辣辣仲有小小汤底鲜香味，饮一啖汤底，入口鲜甜，再试埋啲面，面身软熟，层次分明，唔会一埋面缠埋一齐咁，最重要系绝无半点碱水味，食得出系真材实料，只系个汤底加埋面身已经相当高质，至于配𩠌方面，肥牛同蟹柳系就系普通水准啦，但个汤底面身真正先系成碗精髓所在，最重要系价钱只系28蚊连饮品，仲可以要有乜要求?食完个面，再试下个薯条，个薯条既制作相当有创意，有紫薯，咸蛋。薯条又系热辣辣即叫即整，入口咬落非常脆，咸蛋薯条炸到金黄色，卖相都好吸引，唔钟意食咸蛋既，大可以试下甜甜地既紫薯味，再点埋佢地附送既黑松路酱，更加可口呢间小店岩岩开张冇耐，真系值