The Square

营业中

休息中

喺北潭涌行完山，本来想自己出嚟求奇食个下午茶先返屋企。点知邻居话有兴趣一齐食，咁就一齐出西贡。咁邻居话想坐得舒服啲又唔想等位，碰碰撞撞就去咗呢一间店，原来已经转咗手之前我印象中系食墨西哥菜。入到嚟第一个感觉同之前完全唔同，多咗一份恬静嘅感觉同埋十分悠闲。出嚟食嘢梗系掂啲自己唔会喺屋企煮嘅嘢，所以就点咗个龙虾Risotto。邻居𠮶个猪腩卷先上，切咗啲嚟试，烧得脆脆有焦香嘅味道。不过实在太邪恶，冇乜quota可以食，跟住又见佢哋叫咗杯shake～感觉好似几清新，我都嗌咗杯杂莓嚟试。咁行完山嚟讲嘅话又真系入口几清爽，不过就唔知系咪啲急冻生果，都好似有啲熟个头嘅感觉。跟住我个龙虾Risotto嚟啦，冇我想像中啲饭粒软，但系其实我都觉得系唔错嘅，个龙虾汤渗晒落去啲饭粒𠮶度。本身餐前想要汤，但系佢话要等20分钟。所以最后我哋要咗沙律，但系另外一个邻居点分龙虾三文治同个沙律嘅配菜系一模一样，忍唔住笑咗一下。咁下次尝试多啲嘢就要醒目，唔好嗌三文治😂