小肥豬扒餐廳

营业中

休息中

想喺放假嚟大围行吓，叹个既丰富又好味到无得输嘅早餐，位处海福花园商场地下的"小肥猪"，绝对系首选。今朝瞓到自然醒，突然心瘾起，怀念细个𠮶阵最钟意食嘅福字面，十点钟就同朋友嚟咗呢度......入到去，客几乎爆满，揾到位坐之后，即点咗炸鱼煎双蛋配牛油多士同牛扒煎蛋福字面餐。炸鱼热辣辣，外脆内软；两块多士内搽满牛油，唔系交行货；块牛扒腌得相当好，咸淡度适中，肉质鲜味十足，正到飞起！我最后食到连啲面汤都饮埋.....😅餐饮嗌咗两杯热柠茶，每杯都放咗几片新鲜厚切柠檬。咁用心的食店，客似云来系好正常吧！猪扒同牛扒，系呢度嘅招牌美食，有机会一定要嚟试吓喇。