回春

营业中

休息中

平安夜去長沙灣戲院睇電影，好彩預先Book定了呢間cafe，不然都應該無位坐。最初是被餐廳名字吸引「回春」，唔知食完係咪會後生十年呢？他們特別用了復古風格的餐具來盛裝食物及飲品，都幾配襯其店名。店員服務好親切有禮，而最窩心的是聖誕節期間仲準備了好得意嘅聖誕戒指仔俾食客，見到都開心。回春All-Day $118一般All Day Breakfast多數是腸仔、煙肉及焗豆為主，這份回春All-Day就更健康一點，用上慢煮雞胸、炒白菌靈芝菇、炒蛋、紫洋蔥、番茄及羽衣甘藍沙律，仲有個外皮脆口內裡軟熟的牛角包，份量十足，口味清新。櫻花帶子奶油意粉 $98帶子煎得靚，櫻花蝦乾勁多，幾乎每一口都可以食到一堆香口蝦乾仔，奶油意粉勁creamy但完全唔會膩，調味做得好好。伯爵朱古力 $46拉花拉得幾靚，入口綿滑，伯爵茶味比較濃，朱古力唔會太甜，都算幾好飲。