影片
更多
2020-05-20
2092 浏览
今次系我第三次帮衬呢间小店，我嗌咗个金菇牛柳丝炒乌冬，屋企人就叫咗佢平时食开（食过翻寻味）嘅客家炆猪肉饭。今次记得攞埋饭盒去装饭，环保啲之余仲有自备餐具嘅优惠㗎！个乌冬攞到返屋企已经唔太热，可能因为咁样，闻起上嚟冇平时去茶餐厅𠮶啲炒乌冬咁香。不过食落觉得入味得来唔会太咸，亦比起平时出街食嘅落得少油。牛柳丝同金菇都唔韧，加埋我自己钟意食嘅洋葱一齐食又夹㖞，侧边仲有时菜！成件事真系好似食紧阿妈整嘅住家饭咁！小店每日都会有唔同嘅是日主菜，大家谂紧下餐食乜嘅时候，不妨去佢嘅社交平台page望吓今日嘅1号午餐系乜。（最近开埋晚市，不过未有机会试食）之前有一次食咗个1号餐「茄汁虾碌配沙爹肉丝炒蛋时菜饭」，跟埋香茅柠檬饮品。两只虾碌本身已经大只，用茄汁整真系惹味，再加埋唔肥嘅沙嗲肉丝、炒得几香嘅炒蛋，连埋嘢饮四十几蚊真系相当唔错。小店食物质素高，好味又健康，员工有礼，又系与港人同行嘅良心小店，希望街坊同附近嘅打工仔多多惩罚
个乌冬攞到返屋企已经唔太热，可能因为咁样，闻起上嚟冇平时去茶餐厅𠮶啲炒乌冬咁香。不过食落觉得入味得来唔会太咸，亦比起平时出街食嘅落得少油。牛柳丝同金菇都唔韧，加埋我自己钟意食嘅洋葱一齐食又夹㖞，侧边仲有时菜！成件事真系好似食紧阿妈整嘅住家饭咁！
小店每日都会有唔同嘅是日主菜，大家谂紧下餐食乜嘅时候，不妨去佢嘅社交平台page望吓今日嘅1号午餐系乜。（最近开埋晚市，不过未有机会试食）
之前有一次食咗个1号餐「茄汁虾碌配沙爹肉丝炒蛋时菜饭」，跟埋香茅柠檬饮品。两只虾碌本身已经大只，用茄汁整真系惹味，再加埋唔肥嘅沙嗲肉丝、炒得几香嘅炒蛋，连埋嘢饮四十几蚊真系相当唔错。
小店食物质素高，好味又健康，员工有礼，又系与港人同行嘅良心小店，希望街坊同附近嘅打工仔多多惩罚
金菇牛柳丝炒乌冬
85 浏览
0 赞好
0 留言
茄汁虾碌配沙爹肉丝炒蛋时菜饭
81 浏览
0 赞好
0 留言
张贴
