爆丼丼 (已結業)

依家食丼，唔爆料，唔系满满嘅好似唔系潮流。亦都硬系觉得爆晒了料至会好食啲。喺荃湾嘅间爆丼丼亦以爆丼为绰头，虽然佢嘅样可能冇其他店咁大，但系原来食落去个份量都非常之足，个碗够深。今日食呢个鱼生当全部都系以火炙为主嘅，有火炙三文鱼，剑鱼。再有带子同埋三文鱼子，味道比一般嘅鱼生饭更加香，有火炙嘅香气，而且刺身当然非常之新鲜啦。另外一个看似普通嘅加州卷，但系食落去比起什么大型连锁店嘅加州卷黎得好食，个醋饭嘅味道调得不错，而且佢入边嘅配料有埋牛油果系我最钟意。仲要提一提就系呢一个猪软骨乌冬，唔好以为佢系味精嘅番茄汤，佢食落去的确系有新鲜蕃茄嘅味道，而且佢嘅汤系比较稠身，应该系煮汤后再将番茄打成蓉而成，非常之有心机。