泰好食

营业中

休息中

红磡有唔少卧虎藏龙嘅餐厅，所以不时都会为味觉带嚟惊喜！今次嘅惊喜嚟自一间小店：泰好食，餐厅顾名思义主打泰国菜，并由泰国人主理，味道够晒正宗，而且相对九龙城嘅泰国菜，价钱更亲民，性价比高。不过，餐厅位置唔多，遇上繁忙时间，可能要等等喇！酸辣去骨凤爪小食拣咗酸辣去骨凤爪，酱汁嘅酸比辣度强，非常醒胃，唔食辣都食得。凤爪弹牙，索晒酱汁，好入味呢！飞天通菜切半嘅通菜，新鲜爽口，另加上蒜蓉和同指天椒，非常惹味。冬阴公汤河冬阴公汤底酸酸辣辣，加上阵阵嘅香茅味，充满层次。入口初时嘅辣度以为唔辣，但原来后劲十足，加上河粉索汤，味道唔错呢！泰式海南鸡饭海南鸡饭相信系餐厅嘅招牌，因为无论外卖定堂食，都劲多人叫呢！海南鸡一样系完全无骨，鸡肉偏瘦令人食落无负担，但肉质依然嫩滑。跟饭仲有一碗鸡汤，可惜今日嘅油饭已经售罄，否则更为完美。龙眼冰、泰式奶茶讲到泰式饮品，点少得龙眼冰同泰式奶茶。龙眼冰非常清甜，解喝又清新；泰式奶茶非常香浓，奶香润滑。