影片
更多
2018-05-30
284 浏览
今次拣咗系中环一条横街嘅小店，餐厅好细间，不过可能有第二边我哋唔知嘅。餐厅唔计厨房有4位职员，2位系水吧调酒，另外负责楼面。今次嚟到决定散叫，2人叫咗头盘Quesadilla、主菜牛排、烧春鸡同埋2杯嘢饮，分别系Lychee Fizz 同Ginger Honey。估唔到散叫都有面包送，配上橄榄油同黑醋，不过面包份量得好少，唔够热而且面包皮太硬，有啲失色。旁边嘅牛油就系蒜味牛油，咸咸香香几惹味！头盘系Quesadilla，姐系有鸡肉、大量芝士作馅料嘅tortilla，旁边亦有牛油果酱。头盘已经觉得好邪恶啦，芝士焗得啱啱好溶晒，同埋个皮都好脆，沾埋牛油果酱成个感觉好丰富，食落够晒饱肚！再嚟主菜部份，牛排嫩口，烧得仍然有微微粉红，入口有溶化嘅感觉，再配埋块罗勒牛油好香，不过冇乜配菜就有啲单调，但系肉质够靓加返分！烧春鸡比牛排反而更加好食，不过呢个价钱得半只而且比较细只，性价比就唔算太高。不过味道我就几钟意，腌得入味，面头嘅鸡皮亦用咗啲盐烧过，好食！同埋重要嘅系肉质好嫩，一啲都唔鞋口，初头以为啲肉会好鞋好靭无味，不过呢度就几出色！配菜就有薯仔、菜同红萝卜，另外有特制酱汁，不过就唔系好食到系咩味
今次嚟到决定散叫，2人叫咗头盘Quesadilla、主菜牛排、烧春鸡同埋2杯嘢饮，分别系Lychee Fizz 同Ginger Honey。估唔到散叫都有面包送，配上橄榄油同黑醋，不过面包份量得好少，唔够热而且面包皮太硬，有啲失色。旁边嘅牛油就系蒜味牛油，咸咸香香几惹味！
头盘系Quesadilla，姐系有鸡肉、大量芝士作馅料嘅tortilla，旁边亦有牛油果酱。头盘已经觉得好邪恶啦，芝士焗得啱啱好溶晒，同埋个皮都好脆，沾埋牛油果酱成个感觉好丰富，食落够晒饱肚！
再嚟主菜部份，牛排嫩口，烧得仍然有微微粉红，入口有溶化嘅感觉，再配埋块罗勒牛油好香，不过冇乜配菜就有啲单调，但系肉质够靓加返分！
烧春鸡比牛排反而更加好食，不过呢个价钱得半只而且比较细只，性价比就唔算太高。不过味道我就几钟意，腌得入味，面头嘅鸡皮亦用咗啲盐烧过，好食！同埋重要嘅系肉质好嫩，一啲都唔鞋口，初头以为啲肉会好鞋好靭无味，不过呢度就几出色！配菜就有薯仔、菜同红萝卜，另外有特制酱汁，不过就唔系好食到系咩味，单食烧春鸡更加好食！
饮品方面，2杯饮品都不过不失，Lychee Fizz 有酒精成份，Ginger Honey就属于mocktail，微微嘅姜味都算容易入口，唔燥热，不过冰份量多咗啲，溶嘅时候就冇咁好饮，建议用其他方法令冰粒唔会变成水。
整体黎讲，质素唔错，只系等上菜等咗好一段时间，同埋饮品方面嘅建议，其他都做得好好，特别系主菜，两样都几出色。不过建议餐厅开大啲冷气，有啲焗～
张贴
