B.Two House (已結業)

今日老婆发办，去咗观塘工厦揾食，去到先知呢间餐厅唔系晚晚开！八卦之下得知原来佢哋坚持手作蛋糕同其他食物，所以星期二四六日系唔开晚市，专心准备食物！单系呢种诚意就值得嚟试下啦！   叫咗个二人套餐，老婆食佢哋招牌Bagel，我就试其他，要咗个日本风情嘅鳗鱼饭！前菜系好好味又开胃嘅海藻，而鳗鱼饭就好大份，好足料！身为饭桶嘅我好满足！不过我当然都有偷食下Bagel啦，烟烟韧韧几得意！而蛋糕就真系几出色，好啱女士食，唔算甜之余仲好light，依家好多蛋糕都「实心」，系就系够浓味，但系就好滞，但呢到啲cake食多少少都唔怕！都几推荐呢间小餐厅，因为呢到揾得返人情味，虽然员工好忙，都唔抗拒我R水吹XD佢哋都会做包场，有set嘢食加一半自助元素，开party 或者一班人grathering就好啱！