影片
更多
2018-01-07
139 浏览
呢间喺屋企附近嘅蚊型粥店开咗几个月，一直都想试一试，寻晚终于的起心肝同老公食咗啦。夜晚八点拎去到，靠埋一边墙坐，个位几都迫吓。嗌咗两个新出嘅粥，我拣咗虫草花醉鸡粥，老公食「济州蚝华豚」（佢一听到个名就话要试㖞⋯⋯）。等左一阵，两个粥到左(呢个唔重要)，(重要嘅系)奇妙嘅事接着发生。身后突然有把熟悉嘅声音传来：「又来啦喂！又剩得门口位嘅？下次要打嚟订枱先喇咁！」拧转头一望，见到个神高神大嘅男人，同位朋友坐咗喺门口个张四方枱，再望真啲原来系！我的天！80年代红遍中港台俘虏万千少女芳心嘅温拿里面第二靓仔嘅陈!友!!(第一梗系校长啦仲洗讲!)我的天！只有呢个年代嘅姊妹先会明白我同偶像近距离食粥嘅心跳！（当然不能跳得太大声因为老公坐喺度）两个粥都几好食其实，足料啰，个鸡粥酒香重，啲鸡几入味，虫草花爽口。老公话蚝华豚啲蚝够晒大只，好鲜甜，不愧为济州蚝。言归正传我影咗佢食粥个样！虽然冇化妆但佢仍然系完美嘅。一边食一边𥄫(又不能𥄫得太明显因为你懂的），其实店仔细细都有优点嘅。最后鼓起勇气同佢讲咗声Hi Anthony！点知佢好nice咁回应:「Hello～嚟食粥呀朋友？」!!!!!佢叫我做朋友!!!!
夜晚八点拎去到，靠埋一边墙坐，个位几都迫吓。嗌咗两个新出嘅粥，我拣咗虫草花醉鸡粥，老公食「济州蚝华豚」（佢一听到个名就话要试㖞⋯⋯）。
等左一阵，两个粥到左(呢个唔重要)，(重要嘅系)奇妙嘅事接着发生。身后突然有把熟悉嘅声音传来：「又来啦喂！又剩得门口位嘅？下次要打嚟订枱先喇咁！」拧转头一望，见到个神高神大嘅男人，同位朋友坐咗喺门口个张四方枱，再望真啲原来系！我的天！80年代红遍中港台俘虏万千少女芳心嘅温拿里面第二靓仔嘅陈!友!!(第一梗系校长啦仲洗讲!)我的天！只有呢个年代嘅姊妹先会明白我同偶像近距离食粥嘅心跳！（当然不能跳得太大声因为老公坐喺度）
两个粥都几好食其实，足料啰，个鸡粥酒香重，啲鸡几入味，虫草花爽口。老公话蚝华豚啲蚝够晒大只，好鲜甜，不愧为济州蚝。言归正传我影咗佢食粥个样！虽然冇化妆但佢仍然系完美嘅。
一边食一边𥄫(又不能𥄫得太明显因为你懂的），其实店仔细细都有优点嘅。最后鼓起勇气同佢讲咗声Hi Anthony！点知佢好nice咁回应:「Hello～嚟食粥呀朋友？」!!!!!佢叫我做朋友!!!!! 我当堂：「系呀 ~」(鹌𪂹样)
唔知系咪赶时间，佢哋狅风扫落叶咁食晒啲嘢就走咗喇。当佢身影离开粥店𠮶刻，我心里默默祈求：Anthony，愿我俩的友谊，能像初升的红日，照亮你我的生命！！
张贴
